اسلام آباد (نمائندہ خصوصی) وفاقی کابینہ نے آرمی چیف جنرل سید عاصم منیر (نشانِ امتیاز ملٹری) کو فیلڈ مارشل کے عہدے پر ترقی دینے کی باضابطہ منظوری دے دی ہے۔
یہ فیصلہ وزیراعظم شہباز شریف کی زیرِ صدارت کابینہ اجلاس کے دوران کیا گیا، جس میں ملکی سلامتی اور دفاع سے متعلق اہم معاملات پر غور کیا گیا۔
سرکاری اعلامیے کے مطابق جنرل عاصم منیر کو آپریشن "بنیان مرصوص" میں کامیاب حکمت عملی اور دشمن کے عزائم کو ناکام بنانے پر فیلڈ مارشل کے اعزاز سے نوازا جا رہا ہے۔
مزید برآں، کابینہ نے ایئر چیف مارشل ظہیر بابر سدھو کی مدتِ ملازمت مکمل ہونے کے باوجود ان کی خدمات کو جاری رکھنے پر بھی اتفاق کیا ہے، جو ملکی فضائی دفاع میں تسلسل کے لیے اہم قرار دیا گیا ہے۔
0 تبصرے