لاڙڪاڻي پريس ڪلب جي اليڪشن، جيئي لطيف پينل پاران صدارتي اميدوار سينيئر صحافي نويد لاڙڪ جي سرواڻي ۾ پئنل جي اميدوارن جي نالن جو اعلان

لاڙڪاڻو (بيورو) لاڙڪاڻو پريس ڪلب جي سالياني چونڊن ۾ جيئي لطيف پئنل طرفان صدارتي اميدوار سينيئر صحافي نويد لاڙڪ جي سرواڻي ۾ پئنل جي سمورن اميدوارن جي نالن جو اعلان ڪري ڇڏيو آهي.ان سلسلي ۾ لاڙڪاڻو پريس ڪلب جي سال 26-2025 جي سالياني چونڊن جي سلسلي ۾ جيئي لطيف پئنل طرفان پنهنجي اميدوارن جي نالن جو اعلان ڪري ڇڏيو آهي.اهڙو اعلان ٽي رڪني ڪاميٽي جي سربراهه لاڙڪاڻو يونين آف جرنلسٽس جي صدر طارق محمود دراني طرفان مقامي هوٽل ۾ رٿيل ڊنر جي موقعي تي ڪيو ويو.جنهن موجب جيئي لطيف پئنل طرفان صدارتي اميدوار لاءِ سينيئر صحافي نويد لاڙڪ،نائب صدر لاءِ سينيئر صحافي غلام مرتضيٰ ڪلهوڙو، جنرل سيڪريٽري لاءِ سينيئر صحافي عبدالقادر جاگيراڻي، جوائنٽ سيڪريٽري لاءِ سلامت ابڙو ۽ خزانچي لاءِ منصور عباس ابڙو اميدوار هوندا.جڏهن ته ميمبر ورڪنگ ڪاميٽي جي عهدن تي سينيئر صحافي ڊاڪٽر بدر شيخ، معشوق اوڍاڻو، محمد عاشق پٺاڻ، محمد يونس ڏيٿو، نادر ابڙو ۽ سعيد ميمڻ جيئي لطيف پئنل طرفان اميدوار هوندا.هوڏانهن لاڙڪاڻو پريس ڪلب جي سال 26-2025 جي چونڊن ۾ حصو وٺندڙ اميدوار ڪالھ نامزدگي فارم وصول ڪيو.جڏھن ته لاڙڪاڻو پريس ڪلب جون چونڊون پهرين جون تي اليڪشن ڪمشنر سينيئر وڪيل عقيل احمد ڀٽو جي نگرانيءَ ۾ لاڙڪاڻو پريس ڪلب ۾ ٿينديون.