ڏوڪري ۾ نوجوان سماجي اتحاد جو ڪنوينشن ٿي گذريو

ڪنوينشن نديم جوڻيجو ۽ اتحاد جي اڳوڻي صدر مھراڻ سومرو جي صدارت ۾ ٿيو

ڏوڪري(رپورٽر) نوجوان سماجي اتحاد ڏوڪري جو ڪنوينشن زير نگراني اليڪشن ڪاميٽي جي چيئرمين نديم جوڻيجو ۽ اتحاد جي اڳواڻي صدر مھراڻ سومرو ٿيو،جنھن ۾ ٻن سالن لاءِ باڊي جو اعلان ڪيو ويو.صدر ارشاد ٻگھيو،سينئر نائب صدر فھد عزيز ڏيرو،نائب صدر امجد جوڻيجو،جنرل سيڪريٽري عمير جوڻيجو،جوائنٽ سيڪريٽري ساجد جتوئي،خزانچي سفير حسين بخاري جڏهن تہ پريس سيڪريٽري شيراز کوکر چونڊجي ويا.چونڊيل عھديدارن کي نديم جوڻيجو حلف کڻايو. ڪنوينشن ۾ اتحاد پاران غريب ماڻهن لاءِ فري ڪوچنگ سينٽر کولي تعليم مهيا ڪئي ويندي. سنڌو درياءَ مان ٺھندڙ غيرقانوني ڪئنالن خلاف ڀرپور مزاھمت ڪرڻ لاءِ رابطا مھم ھلائڻ لاءِ غور ڪرڻ، سموريون توانائيون درياءُ بچائڻ لاءِ ڪتب آڻبيون. ايندڙ آچر 13اپريل تي ڪئنالن خلاف احتجاجي مارچ ڪري رت جا ڏيئا ٻارڻ جو اعلان ڪندي چيو ته وفاق کي ڪنهن به صورت ۾ سنڌو درياءَ مٿان ڌاڙو قبول نہ ڪبو.ھنن وڌيڪ چيو ته ھي وقت منظم ٿي سنڌ ۽ سنڌو جي بقا خاطر قرباني ڏيڻ جو آهي جنهن خاطر ھر حد اورانگهينداسي.ڪنوينشن قرارداد ذريعي مطالبو ڪيو ويو ته سنڌو درياءَ جا تاريخي وھڪرا فوري طور بحال ڪيا وڃن ٻي صورت ۾ سنڌي قوم سخت مذاھمت ڪندي.