ملير ۾ مختلف علائقن ۾ روڊ حادثا، 2 عورتن سميت 3 ڄڻا فوت

ملير (رپورٽ: عبدالرشيد مورجھريو) ملير ۾ مختلف علائقن ۾ روڊ حادثا، 2 عورتن سميت 3 ڄڻا فوت، ميمڻ ڳوٺ ويجهو ٽرالر جو ڪار کي ٽڪر، موٽروي ڪمپني جو آفيسر فوت، سپر هاءِ وي تي تيز رفتار ٽرالرموٽر سائيڪل کي ٽڪر هنيو، درساڻو ڇنو جون 2 عورتون فوت، هڪ زخمي، ڊرائيور فرار، فوتي عورتن ۽ زخمي کي جناح اسپتال منتقل، گهر ۾ روڄ راڙو، علائقي ۾ سوڳ، ٻئي پورهيت عورتون بحريه ٽائون ۾ پورهيو ڪري گهر اچي رهيون هيون ته حادثي جو شڪار ٿي ويون، وارث، تفصيل موجب ملير ۾ مختلف علائقن ۾ روڊ حادثن ۾ 2 عورتن سميت 3 فوت ۽ هڪ زخمي ٿي پيا ان حوالي سان ڪالھ ميمڻ ڳوٺ ويجهو ملير ندي پل وٽ ٽرالر ڪار کي ٽڪر هنيو جنهن جي نتيجي ۾ موٽروي ڪمپني جو آفيسر 35 ورهين جو تيمور پٽ نثار سخت زخمي ٿي پيو جنهن کي ڳڻتي جوڳي حالت ۾ الطبري اسپتال نيو ويو جتي هن زخمن جي سٽ نه سهندي دم ڏنو واقعی جی اطلاع تي گهر ۾ ڪهرام مچي ويو آهي ٻئي طرف سپر هاءِ وي تي تيز رفتار ٽرالر موٽر سائيڪل کي ٽڪر هنيو جنهن جي نتيجي ۾ درساڻو ڇنو جون 2 عورتون سکان خاصخيلي ۽ مجنا خاصخيلي فوت ٿي ويون جڏهن ته هڪ ڄڻو دوست محمد خاصخيلي زخمي ٿي پيو ان دوران ڊرائيور موقعي تان فرار ٿي ويو اطلاع تي پوليس واقعي واري هنڌ پهچي ضروري ڪارروائي بعد فوتي عورتن ۽ زخمي کي جناح اسپتال منتقل ڪيو واقعي جي اطلاع تي گهر ۾ روڄ راڙو ۽ ڳوٺ ۾ سوڳ پکڙجي ويو وارثن ٻڌايو ته فوتي عورتون بحريه ٽائون ۾ پورهيو ڪنديون هيون جتان گهر واپس ايندي حادثي جو شڪار ٿي ويون آهن