اڑان پاکستان پروگرام شروع کرنے پر وزیراعظم اور وفاقی وزیر احسن اقبال کو بزنس کمیونٹی کی جانب سے مبارکبادپیش کرتے ہیں: شیخ امتیاز حسین

کراچی (اسٹاف رپورٹر )امریکہ پاکستا ن بزنس ڈیولپمنٹ فورم کے پریذیڈینٹ شیخ امتیاز حسین نے وزیر اعظم میاں محمد شہباز شریف اور وفاقی وزیر برائے منصوبہ بندی، ترقی و خصوصی اقدامات اور بین الصوبائی رابطہ احسن اقبال چوہدری کومعاشی اقتصادی بحالی کا منصوبہ "اڑان پاکستان" کے آغاز پربزنس کمیونٹی کی جانب سے دلی مبارکباد پیش کرتے ہوئے کہا کہ موجودہ حکومت کی کاوشوں سے پاکستان ترقی کی جانب گامزن ہے انہوں نے کہا کہ "اڑان پاکستان ©" کا منصوبہ خوش آئند اقدام ہے جس کا مقصد پاکستان کی معیشت کو مستحکم کرنا، پائیدار ترقی کو فروغ دینا اور جامع ترقی کو فروغ دینا ہے یہ قوم کے خوشحال مستقبل کی جانب ایک قابل ستائش قدم ہے شیخ امتیاز حسین نے کہا کہ ہم نیشنل اکنامک ٹرانسفارمیشن پلان کی مکمل حمایت کرتے ہیں اور پاکستان کی معیشت کی بحالی کے لیے اس کی بے پناہ صلاحیت کو بروئے کار لانے کے لئے پر عظم ہیں اس منصوبے کی کامیابی کو یقینی بنانے کے لیے ایک اہم عنصر کاروباری برادری اور دیگر اہم اسٹیک ہولڈرز کی فعال شمولیت ہے انہوں نے کہا کہ معیشت کی بہتری کے لئے بنائے جانے والے منصوبوں کی کامیابی کےلئے معروف کاروباری شخصیات ، پالیسی سازوں اور ماہر معاشیات پر مشتمل ایک سیکٹر ٹاسک فورس کی تشکیل دی جائے یہ ٹاسک فورس اس بات کو یقینی بنانے میں اہم کردار ادا کرے گی کہ قومی اقتصادی تبدیلی کے منصوبے کے اہداف کو طے شدہ ٹائم لائن کے اندر مکمل کرنے کو یقینی بنایا جائے شیخ امتیاز حسین نے کہا کہ پرائیویٹ سیکٹر کی مکمل شمولیت اور شرکت ہو"اڑان پاکستان" پروگرام بلاشبہ ملک کو ترقی اور خوشحالی کی طرف لے جائے گا پاکستان کی معاشی بحالی کی خاطر تمام شعبوں کا اکٹھا ہونا اور متحد ہونا ناگزیر ہے جس سے ملک کے مستقبل کے لیے ایک نئے ٹیک آف کو یقینی بنایا جائے انہوں نے کہا کہ پاکستان سمیت دنیا بھر کے کاروباری افراد اس بات کو تسلیم کرتے ہیں کہ پاکستان میں سرمایہ کے وسیع مواقع موجود ہیں جبکہ پاکستان قدرتی وسائل سے مالامال ملک بھی ہے جس سے فائدہ اٹھانے کے لئے اقتصادی بحالی کے منصوبے کا نقطہ نظر ساختی اصلاحات کو بہتر بنانے کی ضرورت ہے شیخ امتیاز حسین نے کہا کہ تجارتی ٹیرف کو معقول بنانا، ٹیکس کی بنیاد کو وسیع کرنا، اور نجی شعبے کو با اختیار بنا کر مسابقت کو بڑھانے سے نہ صرف معیشت مستحکم ہوگی بلکہ کاروبار ی افراد کےلئے ساز گار ماحول بھی پیدا ہوگا انہوں نے کہا کہ ہم ملک کے معاشی منظر نامے کو تبدیل کرنے میں حکومت کی کوششوں کی حمایت کے لیے پر عزم ہیں اور ہم "یوران پاکستان" اور قومی اقتصادی تبدیلی کے منصوبے کی کامیابی کے منتظر ہیںہم مل کر پاکستان کے خوشحال مستقبل کو یقینی بنا سکتے ہیں.