نوشهرو فيروز ۾ وڌندڙ گندگي خلاف پنجين ڏينھن به احتجاجي مظاهرو

محمد يونس راڄپر، خادم سيال، سڪندر ڪلھوڙو، فقير ميهر علي بهڻ ۽ ٻين احتجاج ڪيو

نوشهرو فيروز (ڊ ر) نوشهرو فيروز ۾ گندگي خلاف 5 ڏينھن ميونسپل آفيس ء پریس کلب جي سامهون احتجاج ڪيو ويو، شھر جي مختلف علائقن پڊعيدن روڊ، اسٽيشن روڊ، مٺياڻي روڊ، مورو روڊ، شاھي بازار، ڪاليج روڊ کان علاوه پريس ڪلب ۽ ميونسپل آفيس سامھون به بيٺل گندو پاڻي بيٺل، مختلف سياسي، سماجي تنظيمن ميونسپل آفيس آڏو ڌرڻو هنيو ويو، احتجاج جي اڳواڻي اي پي اي اڳواڻ محمد يونس راڄپر، ايس يو پي اڳواڻ خادم سيال مھر وسطڑو، سڪندر ڪلھوڙو، فقير ميهر علي بهڻ، فرھاد غنی، ڌرتي ڌڻي تحريڪ اڳواڻ دين محمد تڳر ۽ ٻيا ڪري رهيا هئا ان موقعي تي اڳواڻ چيو ته نوشهروفيروز جي نااهل انتظاميا ۽ چونڊيل نمائندن جي لاپرواهي سبب نوشهروفيروز شهر 16 وارڊ گندگي جو ڍير بڻجي ويا آهن جنهن سبب نوشهروفيروز جا شهري، معصوم ٻار ۽ شاگرد مختلف بيمارين ۾ وٺجي ويا آهن پر افسوس انتظاميا ۽ چونڊيل نمائندن جي ڪنن تي جونء به نه ٿي چري هنن چيو ته نوشهروفيروز جا روڊ رستا، مين چوڪ ۽ هيٺائين وارا علائقا، قبرستانن ، اسڪولن ۽ مسجدن سامهون ڊرينيج جو گندو پاڻي بيٺل آھي جنهن ڪري شهري سخت پريشانين کي منهن ڏئي رهيا آهن ۽ دڪاندارن جو ڪاروابار به ٺپ ٿي ويو آهي هر طرف گندگي جا ڍير هجڻ ڪري شهر کنڊر جو ڏيک ڏئي رهيو آهي ميونسپل ڪاميٽي جي 3 ڪروڙ کان وڌيڪ بجيٽ آھي پر اها رقم ڪوڙن ووچر ذريعي ڦٻائي وڃي ٿي صفائي ڪندڙ سوين ملازمن کي ويزا تي ڇڏيو آھي هنن اعلا اختيارين کان مطالبو ڪيو ته ميونسپل چيئرمين ڊاڪٽر ڪاشف مصطفي ميمڻ، ميونسپل آفيسر ۽ آڊٽ آفيسر خلاف ڪاروائي ڪئي وڃي ٻي صورت ۾ ڌرڻي جو دائرو وڌايو ويندو