ٿرپارڪر جي پسمانده ڳوٺ تڳوسر ۾ سنڌ جي ثقافت جا حسين رنگ نکري پيا

اجيم داس فائونڊيشن پاران "ايڪتا" جو ڏهاڙو ملهايو ويو

عمرڪوٽ(ڪانجي مل رکيسر)ٿرپارڪر جي پسمانده ڳوٺ تڳوسر ۾ سنڌ جي ثقافت جا حسين رنگ نکري پيا، اجيم داس فائونڊيشن پاران "ايڪتا" جو ڏهاڙو ملهايو ويو، شاگردن پاران تقريري مقابلا، قومي گيتن تي رقص، ٽيبلا پڻ پيش ڪيا ويا، سنڌ جو نئون نسل تعليم تي ڌيان ڏي : ڊاڪٽر اڀيمن پرمار تفصيل موجب سنڌ جي عظيم تھذيب ۽ ثقافت جي ڏهاڙي جي مناسبت سان ٿرپارڪر جي تاريخي ماڳ تڳوسر ۾ اجيم داس فائونڊيشن پاران "ايڪتا" جو ڏهاڙو ملهايو ويو، ان موقعي تي اجيم داس فائونڊيشن جي ڊائريڪٽر نامياري سماج سڌارڪ ڊاڪٽر اڀيمن پرمار پنهنجي بيان ۾ چيو ته سنڌ جي تھذيب تاريخ ۾ اهم حيثيت رکي ٿي، چار ويڌ سنڌو درياهه جي ڪناري تي لکيا ويا آهن، تنهنڪري سنڌ جي نوجوان نسل کي تعليم ڏانهن ڌيان ڏيڻ گهرجي، علم حاصل ڪري ڪاميابيون حاصل ڪرڻ گهرجن، پنهنجي ملڪ جو نالو روشن ڪرڻ گهرجي، ان سان گڏ سنڌي تھذيب سان تعلق رکندڙ هٿ جي هنرن کي پڻ هٿي ڏيڻ گهرجي. تقريب ۾ اجيم داس فري ٽيوشن سينٽر تڳوسر جي شاگردن جتيش ڪمار، ولي محمد، ڀويش ڪمار، سيون ڪمار، وسيم اڪرم، وينتا ٻائي، انشا، روينا ڪماري، ثقافتي لباس پائي قومي گيتن تي رقص ڪيو، شاگردن ۽ شاگردياڻين جي وچ ۾ تقريري مقابلا پڻ ڪرايا ويا، ان موقعي تي سنڌ جي هنري شين ارٽ، جنڊ، ڇڄ، گهرٽي، هر، پاکڙا، اکري، هٿ جي ڀرت جي پڻ نمائش ڪئي وئي، تقريب کي بابو لال ايم اجيماڻي،جيون پرمار، جبار هاليپوٽي، مير محمد واگھيلي، ٻيجل سنڌي، محب ڀيل، راجا گوهر، ڀرت جئپال، راجا درس، سريش ڪمار، ريلو مل، محمد ڄام هاليپوٽي، هريش ڪمار، پرڪاش ڪمار، انيل گاگناڻي، نند لعل، تلوڪچند پرمار، سومار پرمار، وڪيل ڪمار، منٺار پرمار، ونو ڪولهي، هريندر ڪمار، سوهن ساقي، پارو مل، ڀڳت سورتي پڻ سنڌ جي تهذيب ۽ تاريخ تي پنهنجي خيالن جو اظهار ڪيو.