سيبس یونیورسٹی جامشورو میںذہنی صحت اور کام کی جگہ پر صحت مندی" کے موضوع پر لیکچر

سائیکالوجی ڈیپارٹمنٹ آف سندھ یونیورسٹی جامشوروکےاسسٹنٹ پروفیسر ڈاکٹر شیراز الیاس شیخ نے خطاب کيا

جامشورو: شہید ﷲ بخش سومرو (سيبس) یونیورسٹی آف آرٹ ڈزائن اینڈ ہیریٹیجز جامشورو میںدماغی صحت کے عالمی دن کی مناسبت سے "ذہنی صحت اور کام کی جگہ پر صحت مندی" کے عنوان سے لیکچر کا انعقاد کیا گیا۔ سائیکالوجی ڈیپارٹمنٹ آف سندھ یونیورسٹی جامشوروکےاسسٹنٹ پروفیسر ڈاکٹر شیراز الیاس شیخ نے خطاب کيا ۔ اس پروگراممیں طلباء، فیکلٹی، اور عملے کے ارکان نے شرکت کی۔ ڈاکٹر شیخ نے ملازمین اور عملداروں، دونوں کے لیے ذہنی تندرستی کی اہمیت پر زور دیا اور ذہنی صحت پر کام کی جگہ کے ماحول کے اثرات پر روشنی ڈالی، جس میں تناؤ، کام کا بوجھ، ملازمین کی شمولیت، ملازمین کی ترقی، صحت اور حفاظت، ملازمین کی شناخت، ادارتی کلچر اور صحت مند کام کے ماحول جیسے عوامل پر بات کی گئی۔ انهوں نے دماغی تناؤ سے بچنے کے لیے مندرجہ ذیل نکات تجویز کیے: ورزش، نیند، صحت مند غذا، سماجی روابط، ذہن سازی، منشیات سے پرہیز، برادری اور تعلقات، دوسروں سے جڑیں، اظہار تشکر، تناؤ کو کم کریں، صحت مند معمولات، نئی مہارتیں سیکھیں، مدد طلب کریں، تمباکو نوشی بند کریں، کام اور زندگی میں توازن پیدا کریں، گہری سانس لیں، اپنے جسم کو حرکت دیں، کسی شوق میں مشغول ہوں، اہداف اور منصوبے بنائیں اور دوسروں کی مدد کریں۔ ڈاکٹر شیخ نے کہا کہ کام کی جگہ پر ذہنی صحت کو فروغ دینا پیداواری صلاحیت، ملازمت کے اطمینان اور ملازمین کے مجموعی حوصلے کو بڑھانے کے لیے ضروری ہے۔انهوں نے مزيد کها که معاون ماحول بنا کر، ادارے اپنے ملازمین کو ذاتی اور پیشہ ورانہ طور پر ترقی کی منازل طے کرنے میں مدد کر سکتے ہیں۔ لیکچر میں سوالات کے جوابات کے سیکشنزمیںاس بات پر زور ديا گيا کہ دماغی صحت کو کام کی جگہ کی پالیسیوں اور طریقوں میں کیسے ضم کیا جا سکتا ہے۔