سنڌ جي ٻين شهرن جيان ٺٽي ۾ به سنڌو درياءَ بچايو تحريڪ پاران احتجاجي ريلي

مختلف تنظيمن جي اڳواڻن ناٿو خان بروهي، نواز شاهه ڀاڏائي، امجد شورو، پير اياز قريشي ۽ ٻين جي اڳواڻي ۾ ريلي ڪڍي وئي

ٺٽو( محمد شفيق ڀٽي) سنڌو درياء بچايو تحريڪ ضلعي ٺٽي پاران سنڌو درياء تي ارسا ترميم خلاف ھڪ احتجاجي مظاھرو ايدھي سينٽر ٺٽو کان ٺٽي شھر جي مين اسٽاپ رڪشہ اسٽاپ تائين ايس ٽي پي اڳواڻ ناٿو خان بروھي راجو قريشي، جيئي سنڌ محاذ جي سيد نواز شاھ ڀاڏائي، امجد شورو، فنڪشنل ليگ جي پير اياز قريشي، شاھنواز بروھي، جماعت اسلامي جي ايڊوڪيٽ عبدالمجيد سمون، پي ٽي آء جي امجد حسين شاھ، وحيد رند، مراد علي ساٽي، جي يو آء جي مولانا عبدالوھاب بلوچ، سليم عاطف چانڊيو، سماجي اڳواڻ محمد علي خٽڪ، بشير جوکيو جي اڳواڻي ۾ ڪري سخت نعريبازي ڪندي چيو تہ سنڌو درياء تي ڪوبہ ڊئم قبول ناھي ۽ نہ ئي سنڌو درياء تي ارسا ايڪٽ ترميم قبول اھي، ھنن چيو تہ ھن کان اڳ ئي سنڌو تي ڌاڙا ھڻي سنڌ جي وڏي حصي جو پاڻي چوري ڪيو پيو وڃي، جنھن ڪري سنڌ ۾ پاڻي جو سخت بحران پيدا ٿيل آھي مٿان وري وڌيڪ ڊئم ٺاھڻ جو رينگٽ رچائي سنڌ سان ويساھ گھاتي ڪئي پئي وڇي، پر ھاڻي سنڌو درياء جي پاني تي ڪوبہ ڌاڙو ھڻڻ نہ ڏينداسين، ھنن گھر ڪئي تہ سنڌ کي پنھنجي حصي جو پورو پاڻي ڏيئي سنڌو درياء تي وڌيڪ ڊئم ٺاھڻ توڙي سنڌو درياء تي ارسا ايڪٽ واري ترميم ختم ڪري سنڌ واسين سان انصاف ڪيو وڃي، بئي صورت ۾ سخت کان سخت احتجاج ڪيو ويندو.