مسلم امہ اقتصادی بحران سے نکلنے میں پاکستان کی مدد کرے؛ فراز الرحمان

مسلم امہ اقتصادی بحران سے نکلنے میں پاکستان کی مدد کرے؛ فراز الرحمان

دبئی/ابوظہبی:پاکستان بزنس گروپ کے چیئرمین اور بانی، فراز الرحمن کی دبئی آمد پر انہیں بزنس کمیونٹی کی جانب سے گرم جوشی سے خوش آمدید کہا گیا۔ یو اے ای چیپٹر کے صدر اقبال ایڈوانی، ویمن ونگ کی صدر رضوانہ شاہد، MLF اور PBGO دبئی چیپٹر کے اراکین اور دیگر معززین نے ان کے اعزاز میں ایک شاندار عشائیہ کا اہتمام کیا۔

اپنے خطاب میں فراز الرحمن نے جی سی سی ممالک کے لیے پاکستان کی اہم خدمات کو اجاگر کیا۔ انہوں نے مسلم اُمہ کے اتحاد پر زور دیتے ہوئے کہا کہ پاکستان کے اقتصادی بحران سے نکلنے میں مدد کرنا وقت کی ضرورت ہے۔ "پاکستان وہ واحد ملک ہوگا جو کسی بھی ضرورت کے وقت آپ کے ساتھ کھڑا ہوگاانہوں نے کہا۔

انہوں نے پاکستانی شہریوں پر حالیہ ویزا پابندیوں پر تشویش کا اظہار کرتے ہوئے یو اے ای اور جی سی سی بزنس کمیونٹی پر زور دیا کہ اس مسئلے کا فوری حل نکالا جائے۔ "یو اے ای کی مٹی ہمیں پاکستان کی طرح عزیز ہے، لیکن ہمارے متوسط طبقے کے لیے ایک ہی راستہ بند کرنا ناانصافی ہےفراز الرحمن نے HE Bakheet کی کوششوں کو سراہتے ہوئے کہا کہ انہوں نے پاکستان اور یو اے ای کے درمیان ایک پل کا کردار ادا کیا ہے۔ انہوں نے ویزا کے عمل کو آسان بنانے کی درخواست کی تاکہ تجارتی سرگرمیوں کو فروغ دیا جا سکے۔ "کسی نظام کی خرابی کو پاکستان کی خرابی نہیں کہا جا سکتا"، انہوں نے نشاندہی کی۔

ایک اور اہم پیشرفت میں، فراز الرحمن نے یو اے ای حکومت کے حالیہ امنسٹی اقدام کی تعریف کی، جس کا اعلان 28 اگست کو ابوظہبی میں فیڈرل اتھارٹی برائے شناخت، شہریت، کسٹمز اور پورٹ سیکیورٹی (ICP) کی پریس کانفرنس کے دوران کیا گیا تھا۔ اس اقدام کے تحت، ایسے افراد جنہوں نے کسی بھی قسم کے ویزے—رہائشی یا وزٹ ویزا—پر مقررہ مدت سے زیادہ قیام کیا ہے، انہیں یکم ستمبر سے 14 دن کے اندر یا تو اپنا ویزا اسٹیٹس درست کرنے یا ملک چھوڑنے کا موقع فراہم کیا جائے گا۔ امنسٹی کے تحت ویزا، رہائشی، شناختی کارڈز، اور اسٹیبلشمنٹ کارڈز سے متعلق مالی جرمانوں سے استثنیٰ دیا گیا ہے۔فراز الرحمن نے اس انسانی قدم کو سراہتے ہوئے کہا، "یو اے ای کا یہ اقدام رواداری، ہمدردی، اور سماجی ہم آہنگی کی اقدار کی عکاسی کرتا ہے

انہوں نے شیخ محمد سے بھی درخواست کی کہ اس مشکل وقت میں پاکستان کی غیر مشروط حمایت کی جائے۔ بلکہ یہ وقت ہے خطہ میں توازن برقرار رکھنے کے لیے پاکستان کی مدد کی جائے۔فراز الرحمن نے پاکستان بزنس گروپ کے مستقبل کے لائحہ عمل پر بھی روشنی ڈالی اور اس بات پر زور دیا کہ تنظیم کا مقصد چھوٹے کاروباری حضرات کو ایک مضبوط پلیٹ فارم فراہم کرنا ہے تاکہ وہ اپنے کاروبار کو ترقی دے سکیں اور اس طرح پاکستان کی معاشی ترقی میں اہم کردار ادا کر سکیں۔