گمبٽ جي ڳوٺ ٽاڳڙو واسي نينگر ڪراچي جي ڪورنگي اڍائي نمبر واري علائقي مان پراسرار نموني گم، وارث سخت پريشان

گمبٽ جي ڳوٺ ٽاڳڙو واسي نينگر ڪراچي جي ڪورنگي اڍائي نمبر واري علائقي مان پراسرار نموني گم، وارث سخت پريشان

ڪراچي: گمبٽ تعلقي جي ڳوٺ ٽاڳڙو جو رهواسي 15 ورهين جو سميع الله پٽ ثناءَ الله پنهور ڪورنگي اڍائي نمبر واري علائقي مان پراسرار نموني گم ٿي ويو آهي، ان ڏس ۾ وارثن چاچن عبيدالله پنهور ۽ حفيظ الله پنهور جو چوڻ هو ته نينگر 20 جولاءِ تان ڳوٺ مان نڪري ڪورنگي اڍائي نمبر واري علائقي ۾ پهتو، جتان پراسرار نموني گم ٿي ويو آهي. هنن جو چوڻ هو ته اطلاع ملڻ تي ڪراچي پهچي نينگر سميع الله پنهور جي ڳولا ڪئي، ڪورنگي اڍائي نمبر پل جي هيٺيان گاڏين واري اسٽاپ تي هڪ ڊرائيور ٻڌايو ته نينگر 2 راتيون پل جي هيٺيان ترسيل هو، اتي هن جي هڪ نامعلوم شخص سان ڏٺو، بعد ۾ گم ٿي ويو، وارثن جو چوڻ هو ته شڪ آهي ته نامعلوم شخص نينگر کي پاڻ سان گڏ وٺي ويو آهي، نينگر سميع الله گم ٿيڻ کانپوءِ گهر ۾ ڪهرام ۾ متل آهي. وارثن جو چوڻ هو ته اسان غريب آهيون، نينگر جو والد ڳوٺ ۾ هارپو ڪندو، نينگر جي ڳولا ۾ مدد ڪئي وڃي