عمرڪوٽ ۾ شھيد صحافي نصرالله گڏاڻي جي قاتلن جي گرفتاري لاء احتجاجي مظاھرو

عمرڪوٽ ۾ شھيد صحافي نصرالله گڏاڻي جي قاتلن جي گرفتاري لاء احتجاجي مظاھرو

عمرڪوٽ(ڊ ر) ميرپورماٿيلو جي شھيد صحافي نصرالله گڏاڻي جي قاتلن جي گرفتاري لاء پريس ڪلب عمرڪوٽ آڏو صحافين ۽ سياسي سماجي ڌرين طرفان احتجاجي مظاھرو، قاتلن جي گرفتاري لاء سخت نعري بازي ڪئي ويئي سنڌ حڪومت ۽ صحافتي تنظيمن کي سختي سان نوٽيس وٺندي قاتلن جي گرفتاري ۽ مقتول جي معصوم ٻچڙن ۽ وارثن کي انصاف ڏيارڻ جي گُھر. خبر موجب ميرپورماٿيلو ۾ شھيد ٿي ويل سينيئر صحافي ۽ سوشل ورڪر نصر الله گڏاڻي جي قتل واري واقعي ۾ ملوث جوابدار گرفتار نه ڪرڻ خلاف پريس ڪلب عمرڪوٽ آڏو صحافين ۽ سياسي سماجي ڌرين طرفان پريس ڪلب جي آڏو صدر پريس ڪلب غلام محمد ڪنڀر،ڪانجي مل رکيسر سوائي مل الياس ٿري, سهيل ڪنڀر, غلام مصطفي مھر، اجمل مينڌراڻي، وقاص،ڀگوان داس لوھاڻو، دليپ ڪمار، اسلم مھر، هرچند ساگر, لجپت مالھي , ڪامريڊ گل بجير, محب منڱريو، عمران علي، ميھار بنگلاڻي، ميرڻ مھر ۽ ٻين جي اڳواڻي ۾ احتجاجي مظاهرو ڪري سخت نعاريبازي ڪئي ويئي صحافين پاران شھيد صحافي نصرالله گڏاڻي، شھيد جان محمد مھر جي قاتل ۽ ملوث ڪردارن کي فورن گرفتار ڪرڻ جو مطالبو ڪيو ويو ان موقعي تي اڳواڻن هڪ سازش تحت سنڌ ۾ گهڻي وقت کان سنڌ جي شعور کي خاموش ڪرائڻ ۽ عوام جي حقن تي ڳالهائيندڙن کي ڳولي ڳولي گوليون هڻي ماريو پيو وڃي جيڪو مذمت جوڳو عمل آهي