نوشهرو فيروز ۾ ڊي سي محمد ارسلان سليم جي صدارت هيٺ اھم اجلاس ٿي گذريو

نوشهرو فيروز ۾ ڊي سي محمد ارسلان سليم جي صدارت هيٺ اھم اجلاس ٿي گذريو

نوشهرو فيروز (ڊر) ڊپٽي ڪمشنر نوشهروفيروز محمد ارسلان سليم جي صدارت هيٺ ضلعي ۾ برساتن ۽ ٻوڏ جي صورتحال کي منهن ڏيڻ لاءِ انتظامن کي مڪمل ڪرڻ لاءِ اجلاس ٿيو، اجلاس ۾ لوڪل گورنمينٽ، پبلڪ هيلٿ انجنيئرنگ کاتي، آبپاشي کاتي، زراعت کاتي جي عملدارن شرڪت ڪئي. لائيو اسٽاڪ، تعليم، پوليس، صحت، سماجي ڀلائي ۽ ٻين لاڳاپيل کاتن جا آفيسر موجود هئا، ان موقعي تي ڊپٽي ڪمشنر چيو ته برساتن ۽ ٻوڏ دوران بهتر انتظام ڪرڻ سمورن کاتن جي آفيسرن جي گڏيل ذميواري آهي. هن چيو ته ضلعي انتظاميا کي ڄاڻڻ گهرجي ته ڪهڙي کاتي وٽ ڪهڙا وسيلا موجود آهن. هن لوڪل گورنمينٽ ڊپارٽمينٽ جي اسسٽنٽ ڊائريڪٽر کي هدايت ڪئي ته هو پنهنجي حدن ۾ برساتي نالن جي صفائي مڪمل ڪن ۽ انهن جي مشينري کي ڪم جي حالت ۾ رکيو وڃي ۽ برساتن دوران بجلي بند ٿيڻ جي صورت ۾ جنريٽر جا انتظام مڪمل ڪيا وڃن. هن چيو ته جنريٽر ۽ پيٽرول جا انتظام ڪيا وڃن، سمورن کاتن جا سربراه پنهنجو ڪانٽي جنسي پلان تيار ڪري پيش ڪن، ان موقعي تي پبلڪ هيلٿ انجنيئرنگ کاتي جي عملدارن اجلاس کي ٻڌايو ته ضلعي ۾ ڪل 70 اسڪيمون آهن، جن مان 47 فعال آهن. 10 مرمت جي قابل آهن ۽ 13 مڪمل طور تي ناڪاره آهن،ان لائيو. اسٽاڪ کاتي جي آفيسر کي ھدايت ڪئي ته هڪ جامع رپورٽ تيار ڪئي وڃي ته چوپائي مال جي تعداد ۽ مختلف بيمارين کان بچاء جي ويڪسينيشن ڪئي وڃي. هن سوشل ويلفيئر ڊپارٽمينٽ جي آفيسرن کي هدايت ڪئي ته هو ضلعي ۾ ڪم ڪندڙ فلاحي ادارن سان رابطي ۾ رهن ۽ هنگامي صورتحال کي منهن ڏيڻ لاءِ رضاڪار ۽ ٻيا وسيلا تيار رکن هن چيو ته برساتن ۽ ٻوڏ جي صورتحال کي منهن ڏيڻ لاءِ دوائن ۽ ايمبولينس ۽ عملي جو بندوبست ڪيو وڃي ان آبپاشي کاتي جي آفيسر کي ھدايت ڪئي ته درياه جي بندن تي گهربل مشينري ۽ پٿر وغيره کي فوري طور پھچايو وڃي.