اسٹیج ڈراموں میں ایک اور شاندار پیش رفت، سلیم آفریدی کا میری بیوی مجھے میاﺅں تیار

اسٹیج ڈراموں میں ایک اور شاندار پیش رفت، سلیم آفریدی کا میری بیوی مجھے میاﺅں تیار

کراچی (وسیم قریشی) اسٹیج ڈراموں میں ایک اور شاندار پیش رفت،میری بیوی مجھے میاﺅں تیاربین العقومی شہریت یافتہ لیجنڈفخرِ پاکستان سلیم آفریدی اپنی تمام تر حشرسامانیوں کے ساتھ جلوہ گر ہونگے۔تفصیلات کے مطابق یونس میمن کی ہدایتکاری میں اسٹیج ڈرامہ © ©میری بیوی مجھے میاﺅں آرٹس کونسل آف پاکستان کراچی کے اوپن ایئر تھیٹر میں 4 اور 5 مئی کا پیش کیا جائے گا۔میری بیوی مجھے میاﺅں کے پروڈیوسر سعید مغل جو کہ پہلی بار اسٹیج ڈرامہ پروڈیوس کررہے ہیں اور ہدایتکاری کے فرائض یونس ممن نے انجام دیئے ہیں جبکہ تحریر عامر ہوکلا کی ہے معاونت کےی ذمہ داری خان صادق کی ہے۔ اس کے علاوہ ڈرامے کی مرکزی کردارمیں سلیم آفریدی،شکیل شاہ،پرویز صدیقی، اپنے فن کا مظاہرہ کرتے نظر آئیں گءاس کے علاوہ دیگر فنکاروں میں شانزے،سپناغزل،سلیم شیخ،شبیر بھٹی،ریاض شیروانی، شہباز صنم، مہتاب جنگی، ارمااحمد،طلحہ بھوجانی،جنید میمن،حسین راٹھور،طلحہ جعفری شامل ہیں۔ہدایتکار یونس میمن نے میڈیا سے بات کرتے ہوئے کہا کہ صدر آرٹس کونسل محمد احمدشاہ کراچی تھیٹر کی ترقی کے لیے سرگرم عمل ہیں اور فنکاروں کی فلاح وبہبود کے لیے عملی طور پر خدمات سر انجام دے رہے ہیں جو کہ فنکاروں اور شہرقائد میں بسنے والوں کے لیے ایک انتہائی احسن قدم ہے ۔یونس مین کا مزید کہنا تھا کہ عید فیسٹولز کے علاوہ متواتر ڈراموں کے انعقاد کے لیے اچھے ڈرامے پروڈیوسرز کی اشد ضرورت ہے۔ ہدایتکار یونس میمن کا کہنا تھا کہ فنکاروں میں ڈرامے کا اسکرپٹ تقسیم کیا جاچکا ہے چند روز میں باقاعدہ ریہرسل کا آغاز کردیا جائے گا۔