سوڀوديرو واسي جوڙي ملير ڪورٽ ۾ پسند جو پرڻو ڪري ڇڏيو

سوڀوديرو واسي جوڙي ملير ڪورٽ ۾ پسند جو پرڻو ڪري ڇڏيو

گڏاپ (رپورٽر) سوڀوديرو جي علائقي ڳوٺ محمد مراد لاشاري جي رھواسڻ رباب ولد محمد رفيق لاشاري ڪراچي جي ملير ڪورٽ پھچي پنھنجي پريمي شفقت ولد ڪوڙل چانڊيو سان پيار پرڻو ڪري ڇڏيو. رباب لاشاري پنھنجي مڙس شفقت علي چانڊيو سان گڏ ميڊيا سان ڳالهائيندي چيوته مون پنھنجي مرضيءَ سان پنھنجي والدين جو گھر ٽن ڪپڙن ۾ ڇڏي سوڀوديرو جي لطيف ڪالوني جي رھواسي شفقت علي چانڊيو سان پسند جو پرڻو ڪيو آھي. ھن چيو ته شفقت علي چانڊيو کي آء پسند پڻ ڪندي آھيان. مونکي کي ڪنھن بہ اغوا ناھي ڪيو نه ئي وري منھنجي مٿان ڪو زور دٻاءُ آھي. ھن چيو ته جيڪڏهن مون کي ڪو خطرو آهي ته اھو مونکي پنهنجي والدين مان آھي. منھنجا مائٽ منھنجو رشتو زبردستي ڪنھن ٻي ھنڌ ڪرڻ چاھين پيا. جيڪا ڳالهه مونکي کي پسند نه ھئي. ھن چيو ته مونکي پنھنجي گھر ڀاتين والد محمد رفيق. ڀائرن سليم. جاويد. راحب. مامن رمز علي. صاحب علي. ڀيڻيوي معشوق علي ۽ پوليس اھلڪار صاحب خان لاشاريءَ مان مونکي منھنجي مڙس ۽ ساھرن کي زندگيءَ جو خطرو آھي. ھن اعلي اختيارين کان اپيل ڪندي چيو ته مونکي ۽ منھنجي گھر ڀاتين کي تحفظ فراهم ڪيو وڃي. جڏھن ته ھن چيو ته منھنجي ساھرن ۽ مڙس مٿان داخل سمورا ڪيس ڪوڙا آھن. ھن مطالبو ڪندي چيو ته سپريم ڪورٽ. سنڌ ھاء ڪورٽ. آئي جي سنڌ ۽ ٻين وس وارن کان مڙس ۽ ان جي گھر ڀاتين مٿان داخل ڪوڙا ختم ڪرڻ جو مطالبو ڪيو آهي