نوشھروفيروز ۾ بابا گرونانڪ جي جنم ڏھاڙي جون ٻئي ڏينھن بھ تقريبون جاري

نوشھروفيروز ۾ بابا گرونانڪ جي جنم ڏھاڙي جون ٻئي ڏينھن بھ تقريبون جاري

نوشهرو فيروز(ڊ ر) بابا گرونانڪ دَيوجي، جي جنم ڏهاڙي جون ٻئي ڏينهن واريون تقريبون بابا جمنا داس اُداسين نوشهرو فيروز ۾ جاري رهيون جنهن ۾ ڀڳت جئہ سنگهه، سديش ڪمار هالاڻي وارن ۽ شِوا ڀڳت، ستسنگ ۽ ڪَٿا ڪِيرٿن ڪيو ۽ سِري گُروگرنٿ صاحب جِي، جَو ڀوڳ صاحب وڌو جنهن ۾ پوري سنڌ کان آيل گُرو جي عقيدتمندن گروءَ جي گُرٻاڻيءَ جو پرچار ڪيو. جئه سنگهه چيو ته گُرو گِرنٿ صاحب جِي، اندر جي انسان کي جيئاري ٿو ۽ جيئڻ سيکاري ٿو. هن چيو ته اڄ جو انسان گوگل تي سڀ حاصل ڪري ٿو پر اصل معلومات گرو گرنٿ صاحب جي ۾ ملي ٿي. اسان خاص ڏهاڙن تي فرضي ڪِيرٿن ڪيون ٿا پر بابا پيغام پڙھڻ ۽ وِيچارڻ گهرجي. ان موقعي تي گادي نشين سائين رام داس صاحب چيو ته گُروگرنٿ صاحب جي، کي منفرد حيثيت حاصل آھي جيڪو عشق، روحانيت، امن ۽ سلامتي جو پيغام آهي. اسان پوري سنڌ کان آيل مهمانن جي مهمان نوازي ڪري خوشي محسوس ڪيون ٿا