حڪمرانن سنڌ جي عوام کي تباھھ ۽ برباد ڪري ڇڏيو آھي: اياز لطيف پليجو

حڪمرانن سنڌ جي عوام کي تباھھ ۽ برباد ڪري ڇڏيو آھي: اياز لطيف پليجو

حيدرآباد (بيورو) قومي عوامي تحريڪ جي سربراھ اياز لطيف پليجي چيو تہ پيپلزپارٽي ۽ زرداري مافيا سنڌ جي عوام کي تباھ ۽ برباد ڪري ڇڏيو آهي ڪوئلو، گيس، پيٽرول پيدا ڪندڙ سنڌ جا ماڻهو بکيا سمهندا آهن، پندرهن سالن کان سنڌ ۾ گورننس ۽ ادارن کي تباھ ڪيو ويو آهي ملڪ معاشي بحران ۾ آهي، سنڌ جي مستقل رهواسين جون خوشيون، ڏک ۽ درد گڏيل آهن، پاڪستان کي هڪ نئين معاشي، آئيني ۽ سماجي چارٽر جي ضرورت آهي، پاڪستان تڏهن ئي ترقي ڪندو جڏهن دهشتگردي، ڪرپشن ۽ جهالت جو خاتمو ٿيندو.اياز لطيف پليجي چيو تہ پنھنجو سمنڊ، درياھ، انيڪ قدرتي وسيلا ھجڻ باوجود اسان جو عوام غربت جي چڪي ۾ پيسجي رھيو آھي۔ بک، بدحالي ۽ بيروزگاري تمام گھڻي وڌي وئي آھي.ايازلطيف پليجي چيو تہ ڪرپشن ۽ دھشتگردي ھڪ ئي سڪي جا ٻہ پاسا آھن، انڪري ڪرپٽ ماڻھن ۽ اليگل اميگرينٽس خلاف سخت ايڪشن کنيو وڃي. ڪرپشن ۽ اليگل اميگرينٽس اسان جي امن ۽ سلامتي لاءِ تمام وڏا خطرا آھن. انھن خلاف سخت ايڪشن کنيو وڃي