کراچی: بحریہ ٹاؤن میں جائیداد کی خرید و فروخت روکنے کا حکم، ملک ریاض کے خلاف مقدمہ درج

ایس بی سی اے نے بحریہ ٹاؤن کے چیک باؤنس ہونے پر ملک ریاض اور علی ریاض ملک کے خلاف بھی مقدمہ درج کر ليا

کراچی: کراچی میں سندھ بلڈنگ کنٹرول اتھارٹی (ایس بی سی اے) نے شہر کے سب سے بڑے رہائشی منصوبے بحریہ ٹاؤن میں پراپرٹی کی خرید و فروخت اور اشتہاری مہم روکنے کے احکامات جاری کردیئے۔
ایس بی سی اے نے بحریہ ٹاؤن کے چیک باؤنس ہونے پر ملک ریاض اور علی ریاض ملک کے خلاف بھی مقدمہ درج کر رکھا ہے۔
سندھ بلڈنگ کنٹرول اتھارٹی کے مطابق میسرز بحریہ ٹاؤن کی فروخت اور اشتہاری مہم کا این او سی منسوخ کر دیا گیا ہے۔
ادارے کی جانب سے جاری مراسلے میں مزید کہا گیا ہے کہ ڈپٹی ڈائریکٹر پبلک سیل اینڈ ایڈورٹائزمنٹ نے بحریہ ٹاؤن پراجیکٹ کا این او سی مسترد کرتے ہوئے مراسلہ جاری کیا ہے۔
ایس بی سی اے کے خط میں کہا گیا ہے کہ میسرز بحریہ ٹاؤن نے سکروٹنی کی وجہ سے کرایہ ادا نہیں کیا، متعدد شو کاز نوٹس جاری کرنے کے باوجود ادائیگی نہیں کی گئی، شوکاز نوٹس کا جواب نہ دینے اور کرایہ کی عدم ادائیگی کے باعث این او سی نہیں دیا گیا۔ مسترد کر دیا گیا ہے.
ادھر بحریہ ٹاؤن کے سربراہ ملک ریاض اور علی ریاض کے خلاف تھانہ گلشن اقبال میں چیک باؤنس ہونے کا مقدمہ درج کر لیا گیا ہے۔