حیران ہیں کہ حماس نے طاقتور دشمن کو اتنا نقصان کیسے پہنچایا؟ عالمی میڈیا پریشان

حماس نے اسرائیل کو اربوں روپے کا نقصان پہنچایا: امریکی چینل سی این این

بین الاقوامی میڈیا حماس کی حکمت عملی پر حیران اور پریشان ہے۔

امریکی چینل سی این این نے کہا ہے کہ حماس نے اسرائیل کو اربوں روپے کا نقصان پہنچایا، ہم حیران ہیں کہ اتنا بڑا دشمن اتنا نقصان پہنچا سکتا ہے۔

امریکی چینل سی این این کے اینکرز اور تجزیہ نگار حیران ہیں کہ حماس نے اپنے سے کئی گنا طاقتور دشمن کو اتنا نقصان کیسے پہنچایا؟

سی این این کے مطابق حماس نے اسرائیل کو اربوں ڈالر کا نقصان پہنچایا ہے، نگرانی میں خلل ڈالا ہے اور انٹیلی جنس نظام کو کمزور کیا ہے۔

بیروت اور یروشلم میں نیویارک ٹائمز کے بیورو چیف ٹام فریڈمین نے کہا کہ اسرائیل نے اربوں روپے کی حفاظتی دیوار تعمیر کی، جسے حماس نے بلڈوزر سے گرایا، یہ ایک بڑا سوال ہے۔

عسکری امور کے ماہر سیڈرک لیٹن نے کہا کہ اسرائیلی انٹیلی جنس ناکام رہی اور حماس کے راکٹ حملوں سے اسرائیلی حیران ہیں۔

انہوں نے کہا کہ اسرائیل نے ٹیکنالوجی کی مدد سے غزہ میں نگرانی کا نیٹ ورک بچھایا، حماس نے ٹیکنالوجی کو ناکام بنا دیا۔

نیویارک ٹائمز کے بیورو چیف نے اسرائیلی وزیر پر تنقید کرتے ہوئے کہا کہ اس نے اپنی فوج کو دھوکہ دیا ہے۔

ماہرین کا یہ بھی کہنا ہے کہ حماس کے ہاتھوں یرغمال بنائے گئے افراد کی وجہ سے اسرائیل مکمل زمینی حملے نہیں کر سکتا۔