خيرپور ۾ پٽ کي جيل مان ڇڏرائڻ بھاني ڪوٽڏيجي واسڻ عورت سان اجتماعي زيادتي جو انڪشاف

197 views | 26th Sep 2023 • سنڌي خبرون

جوابدارن پٽ کي ڇڏرائڻ لاءِ خيرپور گھرائي اجتماعي زيادتي جو نشانو بڻايو: متاثر عورت

خيرپور (ڊ ر) خيرپور۾ پٽ کي جيل مان ڇڏرائڻ بهاني ڪوٽڏيجي جي رهواسڻ سان مبينا جنسي زيادتي جو انڪشاف، خيرپور جي سيشن جج نوٽيس ورتو، الزام هيٺ آيل 8 جوابدارن خلاف نوٽيس جاري، عدالت ۾ پيش ڪرائڻ لاءِ پوليس کي حڪم، خيرپور جي سيشن جج مشتاق احمد لغاري جي عدالت ڪوٽڏيجي جي ڳوٺ عارباڻي محبت واهه جي رهواسڻ مسمات فيضان گوپانگ طرفان مبينا جنسي زيادتي جي الزام هيٺ داخل ڪرايل درخواست تي ڪاروائي ڪندي الزام هيٺ آيل منظور شيخ، غوث بخش شيخ، محمد علي شيخ، رفيق شيخ سميت 8 جوابدارن خلاف نوٽيس جاري ڪندي کين عدالت ۾ پيش ٿيڻ جو حڪم جاري ڪري ڇڏيو آهي. مسمات فيضان گوپانگ داخل ڪرايل درخواست ۾ مخالف جوابدارن مٿان الزام هنيو آهي ته انهن سينٽرل جيل ۾ قيد سندس پٽ جي آزاديءَ بهاني خيرپور ۾ گهرائي ساڻس جنسي زيادتي ڪئي آهي. هن عدالت کي استدعا ڪئي ته جوابدارن خلاف ايف آءِ آر داخل ڪرڻ جو حڪم جاري ڪري کيس انصاف فراهم ڪيو وڃي