ٺٽو: ڊي سي اسد علي خان جي صدارت ھيٺ 12 ربيع الاول جي حوالي سان اجلاس

112 views | 25th Sep 2023 • سنڌي خبرون

لاڳاپيل عملدار پنھنجي پنھنجي تعلقن ۾ گڏجاڻيون ڪري در پيش مسئلا حل ڪن: اسد علي خان

ٺٽو (رپورٽ شفيق ڀٽي) ڊپٽي ڪمشنر اسد علي خان جي صدارت هيٺ 12 ربیع الاول جشن عید میلاد النبي ﷺ جي موقعي تي امن وامان ،صفائي سٿرائي ۽ ٻين انتظامن جو جائزو وٺڻ بابت اھم گڏجاڻي درٻار ھال مڪلي ۾ منعقد ڪئي وئي ، جنھن م ايس ايس پي آفتاب نظاماڻي ، ايڊيشنل ڊپٽي ڪمشنر ون منور عباس سومرو ،اسسٽنٽ ڪمشنر ،صحت ، لوڪل گورنمينٽ ، پبلڪ ھيلٿ ، حيسڪو ۽ ٻين لاڳاپيل کاتن جي عملدارن ۽ مختلف مڪتب فڪر جي عالم سڳورن شرڪت ڪئي - ان موقعي تي ڊپٽي ڪمشنر سمورن کان جي عملدارن کي ھدايت ڪئي ھن مقدس ۽ بابرڪت ڏھاڙي جي جي موقعي تي مسجدن ، جلسن جلوسن ئ ريلين جي گذر گاھن تي سيڪيورٽي ، صفائي سٿرائي ، ايمبولينس ، ڊاڪٽرن ، پيرا ميڊيڪل اسٽاف ۽ دوائن جي موجودگي سميت ٻين گھربل انتظامن کي يقيني بڻايا وڃي - ڊپٽي ڪمشنر ضلعي جي سمورن اسسٽنٽ ڪمشنرن کي ھدايت ڪئي ته ھو پنھنجي پنھنجي تعلقن ۾ پڻ اھڙي قسم جون گڏجاڻيون منعقد ڪري ڌر پيش مسئلا حل ڪيا وڃن - ھن حيسڪو عملدارن کي ھدايت ڪئي ته بجلي جي لوڊشيڊنگ کان پاسو ڪيو وڃي - ھن عالم سڳورن تي زور ڏنو ته هو ان ڏينهن کي پر امن طريقي سان ملھائڻ لاءِ شر انگيز تقريرن کان پاسو ڪري پاڻ م مذهبي ھم آھنگي ۽ رواداريءَ جي فضا کي برقرار رکيو وڃي - ان موقعي تي ايس ايس پي آفتاب نظاماڻي چيو ته 12 ربیع الاول جشن عید میلاد النبي ﷺ جي موقعي تي سيڪيورٽي جا سخت انتظام ڪيا ويا آهن ته جيئن ڪوبه اڻوڻندڙ واقعو پيش نه اچي سگهي -