سجاول ۾ برسات ۽ ٻوڏ ايمرجنسي لاءِ ڪنٽرول سيل قائم

سمورن لاڳاپيل کاتن جا آفيسرن کي الرٽ رکيو وڃي: ڊي سي

سجاول (رپورٽر) برسات ۽ ٻوڏ ايمرجنسي دواران ڊي سي آفيس سجاول ۾ عوامي شڪايتن لاءِ ڪنٽرول سيل قائم. سمورن لاڳاپيل کاتن جا آفيسر الرٽ رهندي هيڊ ڪوارٽر ۾ موجودگي کي يقيني بڻائين. بروقت سمورا احتياطي اپاءَ ورتا وڃن تہ جيئن قيمتي انساني جانين جي ضايع ٿيڻ ۽ نجي توڙي سرڪاري ملڪيتن جي نقصان کان بچي سگهجي. ڊپٽي ڪمشنر سجاول ڪنهن به قسم جي غفلت ۽ لاپرواهي ھر گز برداشت نہ ڪئي ويندي. عبدالواجد شيخ پاڪستان موسميات کاتي ۽ صوبائي ڊزاسٽر مئنيجمينٽ اٿارٽي سنڌ پاران اوڀر سنڌ ۾ 18 کان 20 سيپٽمبر 2023 تائين تيز هوائن ۽ گجگوڙ سان برساتن جي اڳڪٿي کي نظر ۾ رکندي ڊپٽي ڪمشنر سجاول عبدالواجد شيخ لوڪل گورنمينٽ، پبلڪ هيلٿ انجنيئرنگ، آبپاشي، ڊرينيج، صحت، لائيواسٽاڪ، فشريز، سوشل ويلفيئر سميت ٻين سمورن لاڳاپيل کاتن جي آفيسرن کي الرٽ رهڻ ۽ هيڊ ڪوارٽر ۾ موجودگي کي يقيني بڻائڻ ۽ سمورا احتياطي اپاءَ بروقت وٺڻ جي هدايت ڪئي آهي تہ جيئن قيمتي انساني جانين جي ضايع ٿيڻ ۽ نجي توڙي سرڪاري ملڪيتن جي نقصان کان بچي سگهجي. ڊپٽي ڪمشنر ضلعي جي سمورن اسسٽنٽ ڪمشنرن ۽ مختيارڪارن کي هدايت ڪئي آهي ته هو لاڳاپيل کاتن جي سربراهن سان گڏيل دورا ڪن ۽ نالن جي صفائي ۽ پاڻي جي نيڪال کي يقيني بڻائين. هن چيو ته ان سلسلي ۾ ڪنهن به قسم جي غفلت ۽ لاپرواهي کي سنگين بدانتظامي سمجهيو ويندو ۽ لاڳاپيل ضابطن تحت فوري طور تي ڪارروائي عمل ۾ آندي ويندي. ڊپٽي ڪمشنر چيو آهي ته برسات ۽ ٻوڏ جي ايمرجنسي لاءِ عوامي شڪايت ڪنٽرول سيل پڻ قائم ڪيو ويو آهي جنهن جو فون نمبر 0298-510833 آهي جيڪو 24 ڪلاڪ ڪم ڪندو.