شاہد خاقان، ڈاکٹر عاصم، مصطفیٰ کمال اور دیگر سیاستدانوں کے ریفرنسز احتساب عدالت منتقل

سیاستدانوں اور مجرموں کے خلاف نیب ریفرنسز کراچی کی احتساب عدالت کو بھجوائے گئے

سابق وزیراعظم شاہد خاقان عباسی، پاکستان پیپلز پارٹی کے رہنما ڈاکٹر عاصم حسین اور ایم کیو ایم پاکستان کے رہنما مصطفیٰ کمال سمیت دیگر سیاستدانوں اور مجرموں کے خلاف نیب ریفرنسز کراچی کی احتساب عدالت کو بھجوائے گئے ہیں۔ پارلیمنٹ سے نیب قانون میں ترمیم کی منظوری کے بعد سابق وزیراعظم شاہد خاقان عباسی کا ریفرنس احتساب عدالت سے چیئرمین نیب کو واپس بھجوا دیا گیا۔ ڈاکٹر عاصم حسین، ایم کیو ایم پاکستان کے رہنما مصطفیٰ کمال، اسٹیل مل کے سابق چیئرمین معین آفتاب شیخ، ایم کیو ایم رہنما رؤف صدیقی کے ریفرنسز واپس بھیج دیے گئے۔ سابق سیکرٹری بدر جمیل میندھرو، سابق ڈی جی کے ڈی اے ناصر عباس اور دیگر کے ریفرنسز بھی چیئرمین نیب کو واپس بھیج دیئے گئے۔ ذرائع نے دعویٰ کیا ہے کہ کراچی کی احتساب عدالت کو ایک بار پھر شاہد خاقان عباسی، ڈاکٹر عاصم حسین اور رؤف صدیقی سمیت دیگر کے ریفرنسز موصول ہو گئے ہیں۔ ذرائع کے مطابق سابق وزیر خزانہ عبدالحفیظ شیخ کے خلاف ریفرنس نیب عدالت میں واپس کر دیا گیا ہے۔ نیب ذرائع کے مطابق عبدالحفیظ شیخ پر قومی خزانے کو 11.1 ملین ڈالر کا نقصان پہنچانے اور پورٹ قاسم اور دیگر بندرگاہوں کے لیے سافٹ ویئر کی تیاری میں بدعنوانی کے الزامات ہیں۔