مراکش میں زلزلہ، پرائمری کے ایک ہی کلاس کے 32 بچے جاں بحق

مراکش میں چند روز قبل آنے والے 6.8 شدت کے زلزلے نے جہاں ہزاروں جانیں ضائع ہوئیں

طرابلس (ویب ڈیسک) مراکش میں چند روز قبل آنے والے 6.8 شدت کے زلزلے نے جہاں ہزاروں جانیں ضائع ہوئیں ايک ھی جماعت کے 32 طلباء بھی لقمہ اجل بن گئے۔ غیر ملکی خبر رساں ادارے کے مطابق مراکش کو ہلا کر رکھ دینے والے شدید زلزلے نے پہاڑی علاقے کے گاؤں اڈاسل میں بھی بڑے پیمانے پر تباہی مچائی۔ میڈیا رپورٹس کے مطابق اڈاسل زلزلے کے مرکز کے قریب تھا اس لیے وہاں بڑے پیمانے پر نقصان ہوا اور زلزلے نے ایک ہی گروپ کے 32 طلبہ کی جانیں لے لیں۔ بتایا جا رہا ہے کہ طلباء کی عمریں 6 سے 12 سال کے درمیان تھیں جو کامیاب مستقبل کے خواب لے کر سکول میں پڑھنے آئے تھے۔ خارجہ امور کی ایجنسی نے سکول کی ٹیچر مس الفاڈیل سے بات کی جنہوں نے اپنے طالب علموں کے نقصان پر اپنے دکھ اور افسوس کا اظہار کیا۔ الفادل نے بتایا کہ وہ اسکول میں عربی اور فرانسیسی ٹیچر تھیں اور ان کی آخری کلاس جمعرات کو آنے والے زلزلے سے پانچ گھنٹے پہلے تھی۔ میڈیا رپورٹس کے مطابق انتظامیہ کی جانب سے بتایا گیا ہے کہ زلزلے کے باعث مراکش میں 530 تعلیمی اداروں کو نقصان پہنچا ہے جن میں سے کچھ مکمل طور پر تباہ ہو گئے ہیں۔