گڏاپ جي خميسو جوکيو ڳوٺ ۾ قائم سرڪاري اسڪول جي عمارت زبون حالي جو شڪار

اسڪول جي زبون حال عمارت سبب پڙهائي ٺپ، استاد گهر ويٺي پگهارون کڻي رهيا آهن: ڳوٺاڻا

گڏاپ (محمد علي خاصخيلي)گڏاپ ۾ خميسو جوکيو ڳوٺ ۾ قائم سرڪاري اسڪول جي بلڊنگ زبون حالي جو شڪار. ديوارن ۽ ڪمرن ۾ ڏار پئجي ويا. ڇت ڪمزور ٿيڻ ڪري وڏا چاپر ڪرڻ لڳا. معصوم ٻارڙن ۾ خوف. شاگردن اسڪول اچڻ بجاء مال چارڻ توڙي مزدوري ڪرڻ لڳا. والدين پاران ٻارڙن کي اسڪول وڃڻ کان روڪي ڇڏيو. سوين ٻارڙن جو مستقبل داءُ تي لڳل. شڪايتن باوجود ملير جي چونڊيل نمائندن اسڪولن طرف ڪوبه ڌيان نه ڏنو. اسڪول جي مرمت لاءِ ڊي او ۽ ٽي او بہ اسڪول کي وزٽ نہ ڪيو. رھواسين پاران اعلي اختيارين کان نوٽيس وٺي اسڪول جو مرمتي ڪم ڪرائڻ جو مطالبو. تفصيل موجب ڪراچي. تعليم کاتي جي صوبائي وزير سيد سردار شاهه پاران تعليم جون دعوائون ناڪام ثابت ٿي ويون. گڏاپ جا ڪيترائي اسڪول بند پيل. سرڪاري بلڊنگيون ويران. زبون حالي جو شڪار. ڪيترن ئي اسڪولن ۾ مقرر استاد گھر ويٺي پگھارون کڻڻ لڳا. تعليم کاتو اگھور ننڊ ستل معصوم ٻارڙن جو مستقبل داءُ تي لڳي ويو. گڏاپ ۾ قائم گورنمينٽ بوائز پرائمري اسڪول خميسو جوکيو جي بلڊنگ زبون حالي جو شڪار ٿي وئي. سالن کان اسڪول جو مرمتي ڪم نه ٿيڻ ڪري اسڪول مان چاپر ڪرڻ لڳا. جنھن سبب معصوم ٻارڙن ۾ خوف وارو ماحول ڇانئجي ويو. ڪيترائي ٻارڙن اسڪول اچڻ ڇڏي ڏنو. ڪيترائي شاگرد مال چارڻ لڳا. سوين ٻارڙن جي تعليم تباھ ٿيڻ لڳي. اسڪول جي بلڊنگ ڪمزور ھجڻ ڪري والدين پنھنجي ٻارڙن کي اسڪول وڃڻ کان روڪي ڇڏيو. ڳوٺاڻن فاروق جوکيو. عبدالغني جوکيو. مرتضي جوکيو ۽ ٻين ميڊيا سان ڳالهائيندي چيو ته اسڪول جي بلڊنگ ۽ ديوار جي اهڙي حالت آھي جو ان سان ڪنهن وقت به ڪو نقصان ٿي سگهي ٿو، .ديوارون. ڪمرا به زبون بڻجي ويا آھن. وڏي عرصي کان هن جي ڪا به مرمت وغيره نه ڪئي ويئي آھي، بلڊنگ ۽ ديوار جي اهڙي حالت سبب اسڪولي شاگرد، استاد ۽ ڳوٺاڻا خوف جو شڪار آھن جنھن ڪري معصوم ٻارڙن جي پڙھائي بہ متاثر ٿي رهي آھي، ڳوٺاڻن سنڌ حڪومت. وزير تعليم سيد سردار شاهه. سيڪريٽري تعليم اڪبر لغاري ۽ ملير جي چونڊيل نمائندن کان مطالبو ڪيو ته خدارا گڏاپ ٽائون ۾ بند پيل اسڪول کولرائي زبون حالي جو شڪار اسڪولن ۾ مرمتي ڪم ڪرائي معصوم ٻارڙن جي تعليم تباھ ٿيڻ کان بچائي وڃي.