ڪشمور ۾ 12 ڏينهن اڳ اغوا ٿيل ٻارڙو بازياب نه ٿيو، ايس ايس پي جي سندس وارثن سان ملاقات

250 views | 06th Aug 2023 • سنڌي خبرون

مغوي ٻارڙَي محمد احمد سولنگي جي وارثن پاران انڊس هاءِ وي تي ڌرڻي جي اعلان بعد پوليس ۾ ٿرٿلو

ڪشمور(دلبر جاني ) ڪشمور ضلعو اغوا انڊسٽري ۾ تبديل ٿي ويو آئي روز ڪونه ڪو ٻار يا ماڻهون اغوا يا وري سندس گوليون هڻي زخمي ڪرڻ واري وارداتن ۾ ڏينهنو ڏينهن اضافو ڪشمور 12 ڏينهن پهريون سولنگي محلا مان معصوم ٻار محمد احمد سولنگي کي اغوا ڪيو ويو هو اڄ عوامي ميڊيا سينٽر ڪشمور جي ٽيم معصوم ٻار محمد احمد جي والد جو انٽر ويو ڪيو انهي انٽر ويو ۾ ٻار جي والد لياقت چيو ته منهنجو معصوم 8 محرم تيگهر باران راند ڪندي اغوا ٿي ويو آهي 12 ڏينهن گذرڻ باوجود سندس ڪو ڏس پتو نه پئجي سگهيو آهي منهنجي گهر ۾ قيامت وارو منظر آهي منهنجي امڙ ۽ منهنجي گهر واري کي ٻار جي جدائي ۾ بيهوشي جا دورا پئجي رهيا آهن ڪشمور جي سياسي سماجي مذهبي صحافي دوستن کي هٿ ٻڌي عرض ٿو ڪيان منهنجي مدد ڪيو منهنجو آواز اعلي ايوانن تائين پهچايو جيئين ظالمن تائين آواز پهچي ۽ ڪو شل رحم پوين منهنجو ساٿ ڏين عوامي ميڊيا سينٽر جي ٽيم پاران معصوم ٻار محمد احمد جي والد لياقت سولنگي جي ٻار جي بازيابي ۽ احتجاجي سڏ واري وڊيو وائرل ٿيڻ کانپوءِ ڪشمور پوليس ۾ ٿرٿلو پئجي ويو ايس ايس پي شڪار پور ڪشمور امجد احمد شيخ نوٽيس وٺندي مغوي ٻار جي بازيابي لاءِ هنيل ڪيمپ تي پهچي ويو وارثن سان ڳالهيون انشاءالله اسان جلد ٻارَ کي بازياب ڪرائي وٺندا سي ايس ايس پي جي خاطري تي وارثن احتجاجي ڌرڻي جو سڏ واپس ورتو ياد رهي ته ڪشمور ضلعي اندر مختلف ڏينهن ۾ ڪيترائي ٻار توڙي ڊاڪٽر منير نائچ سان گڏ 30 کان وڌيڪ ماڻهون ڌاڙيلن جي چنبي ۾ قيد آهن ڪلھ ڪشمور شهر ۾ ٻه ڦر جون وارداتون ٿيون جنهن ۾ نامعلوم موٽر سائيڪل سوارن پاران شهرين کي موبائل فون سان گڏ نقدي کان به محروم ڪري ڇڏيو اڄ گبلو ٿاڻي جي حد ۾ ڪنڌڪوٽ ٿاڻي تي ڊيوٽي ڪندڙ اي ايس آئي غلام قادر ڏاهاڻي ڌوکي سان ڪنڌڪوٽ مان ڪار ڊرائيور کي مريض کڻي اچڻ جي به؛ ني وٺي اچي گبلو حد ۾ ڌاڙيلن حوالي ڪيو ته سندس رڙين تي علائقي واسين پهچي سندس ڊرائيور کي ڌاڙيلن کان ڇڏائي ورتو ياد رهي ته ڪلھ بڊاڻي لنڪ روڊ بڊاڻي مياڻي ٿاڻي جي سڏ پنڌ تي ڊاڪٽر جي گاڏي مٿان حملو ڪري ڌاڙيل آدرش ڪمار کي کڻي ويا هئا امن جو پکي اڏري وڃن بعد ضلعي جي شهرين ۾ خوف واري صورتحال پئدا ٿي وئي آهي سندس آئي جي سنڌ کان مطالبو ڪيو ته ڪشمور ضلعي اندر فوجي آپريشن ڪري سندس شهرين کي تحفظ فراهم ڪيو وڃي