غیر ملکی سرمایہ کار پاکستان میں چھپے خزانے کو تلاش کریں- آرمی چیف

ہماری سرزمین معدنیات سے مالا مال ہے- جنرل عاصم منیر

اسلام آباد (ویب ڈیسک) آرمی چیف جنرل عاصم منیر نے کہا ہے کہ ہماری سرزمین معدنیات سے مالا مال ہے اور قومی معیشت میں اپنا کردار ادا کرنا ہماری سماجی ذمہ داری ہے۔ پاکستان منرل سمٹ سے خطاب کرتے ہوئے آرمی چیف جنرل عاصم منیر نے کہا کہ حکومت نے تمام اداروں کے ساتھ ایس آئی ایف سی قائم کیا، جو تمام شراکت داروں کو ایک پلیٹ فارم پر لاتی ہے۔ جبکہ منرل سمٹ ملکی اور غیر ملکی سرمایہ کاروں کے لیے کاروبار کرنے میں آسانی کے نئے اصول واضح کرتی ہے۔ انہوں نے کہا کہ امن اور خوشحالی کے راستے پر چلنا ہی استحکام ہے، کان کنی کے منصوبے عوامی ترقی کا راستہ ہیں۔ جنرل عاصم منیر نے کہا کہ سورہ رحمن میں اللہ تعالیٰ نے فرمایا ہے کہ اور تم اپنے رب کی کون کون سی نعمتوں کو جھٹلاؤ گے۔ جنرل عاصم منیر نے کہا کہ قرآن پاک میں واضح ہے کہ اللہ ان کی مدد کرتا ہے جو اپنی مدد آپ کرتے ہیں۔ انہوں نے کہا کہ برف سے ڈھکے پہاڑوں سے لے کر صحرا تک ملک میں کچھ نہیں ہے۔ سمندری پٹی سے لے کر میدانوں تک، اس زمین میں کیا نہیں ہے؟ آرمی چیف نے کہا کہ ہماری سماجی ذمہ داری ہے کہ مل کر ملکی معیشت میں اپنا کردار ادا کریں، ہمیں امید کا دامن نہیں چھوڑنا چاہیے، ہماری سرزمین معدنیات سے مالا مال ہے، ہم غیر ملکی سرمایہ کاروں کو پاکستان میں چھپے خزانے کو دریافت کرنے کی دعوت دیتے ہیں۔ اس موقع پر آرمی چیف کا بیرک گولڈ کے سی ای او اور صدر مارک برسٹو اور سعودی وزیر کان کنی انجینئر خالد بن صالح اور دیگر سرمایہ کاروں نے بھی اعتراف کیا۔