ميهڙ ۾ وڌندڙ بدامني خلاف شهري روڊن تي نڪري آيا، احتجاجي ريلي

سياسي سماجي قومپرست مذهبي ڌرين توڙي شهرين پاران ريلي ڪڍي وئي

ميهڙ (رپورٽر) ميھڙ تعلقي ۾ وڌنڌڙ بدامني، ڦرن ڌاڙن چورين واري واقعن خلاف سياسي سماجي واپارين شھرين پاران شھري اتحاد جي صدر نياز علي ٻرڙو نظير جانوري،سردار نوراحمد تيوڻو،قومي عوامي تحريڪ جي مرڪزي اڳواڻ وڪيل منور جتوئي، پي ٽي آئي جي ڊاڪٽر غلام عباس مهيسر، ايوب کوسو،عوامي پورھيت تحريڪ جي وڪيل رحيم بخش ٻگھيو، ايس يو پي اڳواڻ حبيب حضوري،وڪيل شير علي چانڊيو ،محمد علي ڪانڌڙو ۽ ٻين جي اڳواڻي ۾ دعا چونڪ کان گھنٽاگھر چونڪ تائين پيادل مارچ ڪري ريلي ڪڍي وئي. ريلي ۾ شامل واپارين ، شھرين پاران ھٿن ۾ پلي ڪارڊ کڻي بدامني خلاف ، چور پالڻ شھري ڦرائڻ بند ڪريو ، کپي کپي امن کپي جا زوردار نعريبازي ڪندا . اڳواڻن چيو ته ميهڙ شهر بدامني جي باھ آهي ڦرون ڌاڙا معمول بڻيل آهن قانون نالي ڪاشيء ناھي هر روز چوريون ڦرون معمول بڻيل آهن ايس ايس پي دادو امن امان ڪرائڻ ۾ ناڪام ويو آهي. اعلي اختياريون ميھڙ ۾ وڌنڌڙ بدامني جو نوٽيس وٺي شھر ۾ امن امان قائم ڪري ڏوھارين ۽ پاٿاريدارن خلاف ڪاروائي ڪئي وڃي ۽ ڦر ٿيل موٽرسائيڪلون روڪ رقم ۽ ٻيو سامان واپس ڪرايو وڃي. جڏهن ته ميهڙ ۾ بدامني سبب ايس ايڇ او اي سيڪشن اشفاق منگي کي بدلي ڪري سجاد جمالي کي ايس ايڇ او ميهڙ مقرر ڪيو ويو آهي.