غیر اخلاقی ویڈیوز: روبی علی اور ارشاد جاگیرانی کے خلاف مقدمہ درج

وکیل کی شکایت پر شاعر ارشاد جاگیرانی، فنکار روبی علی اور 2 نامعلوم افراد سمیت 4 افراد کے خلاف مقدمہ درج کرلیا۔

حیدرآباد (رپورٹر) حیدرآباد پولیس نے سوشل میڈیا پر وائرل ویڈیوز کے معاملے پر وکیل کی شکایت پر شاعر ارشاد جاگیرانی، فنکار روبی علی اور 2 نامعلوم افراد سمیت 4 افراد کے خلاف مقدمہ درج کرلیا۔ ہاترا پولیس اسٹیشن میں درج مقدمے میں جان سے مارنے کی دھمکیاں شامل کی گئی ہیں۔ وکیل گلزار عالمانی کا مؤقف ہے کہ 13 جولائی 2023 کو ارشاد علی جاگیرانی اور آرٹسٹ روبی علی نے ان کی فیس بک آئی ڈی پر غیر اخلاقی پوسٹس کیں جس پر ان کی آئی ڈی سے قانونی کارروائی کرنے کا کہا گیا، انہوں نے مجھے دھمکیاں دیں۔ مدعی نے مقدمہ میں مؤقف اختیار کیا ہے کہ 14 جون 2023 کو صبح گھر کا دروازہ کھٹکھٹا کر کھولا تو وہاں پر موٹر سائیکل پر سوار 2 نامعلوم افراد آئے جنہوں نے کوئی چوکی نہ رکھنے پر جان سے مارنے کی دھمکیاں دیں۔ ان کے مطابق 5 جولائی کو عدالت نے پولیس کو مقدمہ درج کرنے کا حکم دیا لیکن مقدمہ درج نہیں کیا گیا جس کے بعد توہین عدالت کی درخواست دائر کی گئی۔ وکیل کے مطابق عدالتی حکم کے بعد پولیس نے گزشتہ روز دیر گئے مقدمہ درج کیا۔