دادو ۾ جوهي جي ڳوٺ اٺين شاخ واسين جو عورتن سميت احتجاجي مظاهرو

نياز حسين خاصخيلي، مجيد خاصخيلي، مسمات زبيدھ ۽ ٻين پاران احتجاج ڪيو ويو

دادو (عبدالعزيز ٻٻر) جوھي تعلقه جي ڳوٺ اٺين شاخ جي رھواسي خاصخيلي برادري جي مردن عورتن پاران سنڌ پريس ڪلب دادو پھچي ڊي ايس پي جوھي بشير کونھارو خلاف سخت احتجاج ڪيو ان موقعي تي مظاھرين نياز حسين خاصخيلي . مجيد خاصخيلي ۽ مسمات زبيدھ مسمات ساران خاصخيلي ۽ ٻين دانھيو ته پنج ڏينهن اڳ ڊي ايس پي جوھي بشير کونھارو بلاجواز پوليس نفري ساڻ ڪري اسانجي ڳوٺ تي چڙھائي ڪري عورتن جي تذليل ڪرڻ بعد اسانجي ٻن نوجوانن محمد موسيٰ ۽ فياض کي کنڀي گم ڪري ڇڏيو اسان اھڙي پٽيشن دادو جي عدالت ۾ ڊي ايس پي جوھي ۽ ٻين خلاف داخل ڪرائي ھئي عدالت پاران سخت پڇاڻو ڪرڻ تي ھڪ نوجوان موسيٰ خاصخيلي کي احسان ڀرڳڙي جي ٿيل چوري جي واقعي ۾ ظاھر ڪري ڪيس داخل ڪيو ويو آھي جڏهن ته ٻئي کنڀل نوجوان فياض خاصخيلي کي ظاهر نه ڪيو ويو آهي ھنن عدالت سڳوري ۽ آئي جي سنڌ ڊي آئي جي حيدرآباد ايس ايس پي دادو کان مطالبو ڪيو ته اسان کي خدشو آهي ڪٿي پوليس فياض کي قتل نه ڪري ڇڏي جلد فياض کي ظاھر ڪري آزاد ڪيو وڃي نه ته سخت احتجاج ڪيو ويندو