معرکۂ حق میں دشمن کو سرینگر سے بھٹنڈا تک عبرتناک شکست دی: ایئر چیف مارشل

اسلام آباد(ویب ڈیسک) ایئر چیف مارشل Zaheer Ahmad Babar Sidhu نے کہا ہے کہ معرکۂ حق میں پاک فضائیہ نے دشمن کو سرینگر سے بھٹنڈا تک ایسا سبق سکھایا جو تاریخ میں یاد رکھا جائے گا۔ حق کی جنگ میں کامیابی کا ایک سال مکمل ہونے پر ایئر ہیڈکوارٹرز میں منعقدہ تقریب سے خطاب کرتے ہوئے ایئر چیف نے کہا کہ بھارت کی جانب سے پہلگام فالس فلیگ آپریشن کے بعد پاکستان پر بے بنیاد الزامات عائد کیے گئے تھے، لیکن پاکستان کی جوابی کارروائی کے باعث دشمن کو عبرتناک شکست کا سامنا کرنا پڑا۔ پاک فضائیہ کے سربراہ کے مطابق، پاکستان کی جانب سے غیرجانبدارانہ تحقیقات کی پیشکش کے باوجود بھارت نے جارحیت کی، جس کا پاک فضائیہ نے منہ توڑ جواب دیا۔ انہوں نے انکشاف کیا کہ پاک فضائیہ نے دشمن کے ایس-400 ایئر ڈیفنس سسٹم کو چند لمحوں میں تباہ کر دیا اور دنیا کے تسلیم شدہ جنگی طیاروں کو خاک میں ملا دیا۔ ایئر چیف نے کہا کہ پاکستان کے ”سائبر شاہینوں“ نے دشمن کی سائبر سیکیورٹی کو مکمل طور پر تباہ کر دیا، جبکہ ”آپریشن بنیان مرصوص“ میں پاکستانی ڈرونز نے اہداف حاصل کر کے اپنی صلاحیتوں کا لوہا منوایا۔ Zaheer Ahmad Babar Sidhu نے مزید کہا کہ قومی قیادت اور فیلڈ مارشل Asim Munir کی بہترین قیادت نے اس کامیابی میں اہم کردار ادا کیا، اور اس عزم کا اظہار کیا کہ پاک فضائیہ ہمیشہ اپنی فضائی حدود کا دفاع کرے گی اور قوم کی امیدوں پر پورا اترے گی۔