نوشھروفيروز ۾ ڳوٺ ڀورٽي واسڻ جو ڌيءَ سميت احتجاج

سالڪ ڀرٽ ٽن ڏينھن تائين ڌيءَ سان زيادتي ڪئي: ڪونج پنهور

نوشهرو فيروز(ڊ ر) نوشهرو فيروز جي ڳوٺ ڀورٽي جي رهواسي ڪونج پنهور پنهنجي ڌي ريما پنهور سان گڏ احتجاج ڪندي ٻڌايو تہ نجب الدين ڀرٽ وارن سان ڇوڪري جو ڏي وٺ جو رشتو طئه ٿيو هو مون انهن کي پنهنجي ڌي ريما پنهور جو سڱ سالڪ ڀرٽ جي لاءِ ڏنو جنهن بعد انهن چيو تہ اسان جي ڇوڪري ننڍي آهي ڪجهه مهينا انتظار ڪيو ان کانپوءِ سالڪ ڀرٽ منهنجي ڌي ريما کي ورغلائڻ شروع ڪيو ۽ زبردستي وٺي ويو سالڪ ڀرٽ ٽن ڏينهن تائين ناجائزي ڪندو رهيو ان بعد اسان وڏيرن کي دانهن ڏني انهن جي چوڻ تي آزاد ڪيو ويو آزاد ڪرڻ بعد مٺياڻي ٿاڻي تي وٺي متاثر ناري ريما پنهور کان زبردستي بيان ڏياريو تہ هو پنهنجي خوشي سان نڪري وئي آهي پوليس بيان لکڻ بجاءِ اڇن پنن تي صحي ورتي وئي هن چيو ته ان بعد قرآن کڻي آيا ۽ اسان کي بخش ڪيو هاڻي وري اسان کي نجب الدين ڀرٽ زوهيب الدين عرف اي بي, اصغر، سالڪ ڀرٽ، فياض ۽ عرفان ڀرٽ ڌمڪيون ڏيئي رهيا آهن ان ڪري اسان دربدري واري زندگي گذاري رهيا آهيون هنن ايس ايس پي نوشهروفيروز کان تحفظ ۽ قانوني ڪاروائي جو مطالبو ڪيو آهي. جڏهن ايس ايس پي مير روحل کوسو سان رابطو ڪيو ويو ته هن ٻڌايو ته مون اهڙي واقعي جي جاچ جو حڪم ڏئي ڇڏيو آهي ۽ پوليس کي سخت حڪم ڏنا آهن ته جلد کان جلد ڄاڻايل جوابدارن کي گرفتار ڪري ڪيس داخل ڪيو وڃي۔