مڪلي جي ڳوٺ عرس جاکرو واسين جو بااثرن جي مبينا زيادتين خلاف احتجاج

غلام قادر جاکرو، رضا محمد جاکرو، غلام شبير جاکرو، گل حسن جاکرو ۽ ٻين احتجاج ڪيو

ٺٽو(محمد شفيق ڀٽي)مڪلي لڳ ڳوٺ عرس جاکرو جي پورهيت ۽ غريب رهواسين غلام قادر جاکرو، رضا محمد جاکرو، غلام شبير جاکرو، گل حسن جاکرو، بشير احمد جاکرو ۽ ٻين عوامي پريس ڪلب ٺٽو ۾ پهچي دانهيندي الزام هنيو آهي ته ديھ مرکان ۾ واقع سروي نمبر 203 ۽ 204 تي مشتمل 7 ايڪڙ 34 گهنٽا زمين بابت ڪيس عدالت ۾ هلندڙ هجڻ باوجود سندن پاڙيسري خاصخيلي برادري جي ڪجهه ماڻهن رحمان خاصخيلي، قاسم خاصخيلي، عبدلارزاق، سڪندر ۽ چيئرمن يوسي گل منڊہ مبينا طور ناجائز قبضو ڪري ورتو آهي۔ متاثرن صحافين سان ڳالهائيندي چيو ته زمين جي مالڪي بابت معاملو عدالت ۾ زيرِ سماعت آهي، تنهن هوندي به مخالف ڌر زبردستي قبضو ڪري سندن حقن کي پائمال ڪري رهي آهي۔ ھن چيو تہ مون مڪلي ٿاڻي تي ڪيس داخل ڪرايو آھي پر پوليس ڪو ايڪشن نٿي کڻي، جنھن ڪري وڏي جھيڙي ۽ نقصان جو خطرو آھي. هنن اعليٰ اختيارين، ضلعي انتظاميا ۽ لاڳاپيل کاتن کان مطالبو ڪيو ته معاملي جو نوٽيس وٺي غيرقانوني قبضي جو خاتمو ڪرائي کين انصاف فراهم ڪيو وڃي