عمرڪوٽ ۾ ڪنور ڪرني سنگهه سوڍو سولنگي برادري جي متاثرن وٽ پهچي ويو

خوف ۾ آهيون، مرد ٻاهر نڪرندا آهن ته نامعلوم ماڻهو اچي ڌمڪيون ڏين ٿا:متاثرن جي دانهن

عمرڪوٽ(رپورٽ:ڪانجي مل رکيسر) پ پ ايم پي اي راڻا ھمير سنگھ سوڍو جو فرزند ڪنور ڪرني سنگھ سوڍو سولنگي برادري جي گهر پهچي متاثر خاندان سان ملاقات ڪئي ۽ حالتن بابت تفصيل ورتا، هن سولنگيءَ برادري جي متاثر ماڻهن ڪنور ڪرني سنگھ سوڍو چيو ته هو اڃان تائين خوف جي ماحول ۾ زندگي گذاري رهيا آهن، سندن چوڻ آهي ته جڏهن گهر جا مرد روزگار يا ٻين ڪمن لاءِ ٻاهر نڪرندا آهن ته نامعلوم ماڻهون اچي گهر جي عورتن کي ڌمڪيون ڏين ٿا، جنهن سبب علائقي ۾ بيچيني وڌي وئي آهي، ڪنور ڪرني سنگهه لاڳاپيل اختيارين کي هدايت ڪئي ته متاثرن کي مڪمل تحفظ فراهم ڪيو وڃي ۽ ملوث ماڻهن خلاف قانوني ڪارروائي کي يقيني بڻايو وڃي، هن چيو ته حڪومت متاثر خاندانن کي اڪيلو نه ڇڏيندي ۽ هر ممڪن سهڪار فراهم ڪيو ويندو.ان موقعي تي ڪنهيا موھن لال، يوسف نھڙي، وجئہ ڪمار اوڏ، سروڻ ڪمار، عالمگير بلال ۽ ٻيا موجود ھئا