قمبر شھدادڪوٽ ضلعي جي جابلو پٽي ۾ مفت ميڊيڪل ڪيمپ لڳائي وئي

ڪيمپ جو افتتاح ڊي ايڇ او ڊاڪٽر گلزار علي تنيو، لشڪر خان چانڊيو ڊاڪٽر سيد حبيب شاھ بخاري ڪيو

قمبر (ڊ ر) قمبر شھدادڪوٽ ضلعي جي جابلو پٽيء واري ڳوٺ ڪوٽ نواب گڙتل ۾ ڊي ايڇ او آفيس قمبر شھدادڪوٽ ۽ برج ڪنسلٽنٽ فائونڊيشن جي تعاون سان ٽي بي ڇاتي سميت ٻين بيمارين جي مريضن لاء هڪ ڏينھن جي مفت ميڊيڪل ڪيمپ منعقد ڪئي وئي جنھنجو افتتاح ڊي ايڇ او قمبر شھدادڪوٽ ڊاڪٽر گلزار علي تنيو، ضلعي ڪائونسل جي ميمبر نوابزادا لشڪر خان چانڊيو ۽ ٽي بي ڪنٽرول پروگرام جي ڪوآرڊينٽر ڊاڪٽر سيد حبيب شاھ بخاري گڏجي ڪيو مفت ميڊيڪل ۾ جابلو پٽيء جي غريب مسڪين سوين مردن، عورتن ۽ ٻارڙن کي ماھر ڊاڪٽرن ۽ ڊاڪٽرياڻن جي ٽيم ڊاڪٽر شاھدا مگسي، ڊاڪٽر بسما ضياء اسراڻ، ڊاڪٽر سنتوش ڪمار، ڊاڪٽر وڪيش ڪمار، صادق شاھ، ڊاڪٽر بينا ابڙو، ڊاڪٽر ربينا ابڙو، ڊاڪٽر فاطما ۽ پرھ پاران چڪاس ڪئي وئي ۽ کين مفت ۾ دوائون پڻ فراھم ڪيون ويون جڏھن ته مفت ميڊيڪل ڪيمپ تي ٽي بي ۽ ھيپاٽائٽس جون ٽيسٽون پڻ ڪيون ويون جن مان مثبت نتيجو اچڻ بعد مريضن کي سمورو ڪورس مفت ڏنو ويو ان موقعي تي ڊي ايڇ او قمبر شھدادڪوٽ ڊاڪٽر گلزار علي تنيو، اي ڊي ايڇ او ڊاڪٽر سيد حبيب شاھ بخاري، ڊاڪٽر صدام حسين ڀٽو، ڊاڪٽر محمد نواز ڪمالاڻي، سيد نديم حسين شاھ ۽ عمران علي ٻرڙو چيو ته ضلعي صحت آفيس طرفان سماجي تنظيم برج ڪنسلٽنٽ فائونڊيشن، ممتا پروگرام، سرسو جي تعاون سان قمبر شھدادڪوٽ جي جابلو پٽيء واري ڳوٺ ڪوٽ نواب گڙتل ۾ پنھنجي ضلعي جي غريب مسڪين ماڻھن کي در تي صحت جي سھولت فراھم ڪرڻ لاء مفت ميڊيڪل ڪيمپ لڳائي آھي جنھن جو مقصد ھتان جي مقامي ماڻھن کي بنيادي صحت جون سھولتون فراهم ڪرڻ بيمارين جي ابتدائي تشخيص ۽ وبائي بيمارين بابت آگاهي فراهم ڪرڻ هو مفت ميڊيڪل ڪئمپ دوران مختلف بيمارين جي ماھر مرد ۽ عورت ڊاڪٽرن جي ٽيم مريضن کي چڪاسي کين مفت دوائون فراھم ڪيون آھن جڏھن ته ٽي بي، مليريا ۽ ايڇ آءِ وي جي اسڪريننگ پڻ ڪئي وئي ۽ جين ايڪسپرٽ ٽيسٽ پڻ ڪيا ويا آھن جڏھن ته ايڪسري وين ذريعي ايڪسري پڻ ڪيا ويا آھن جڏھن ته مفت ميڊيڪل ڪيمپ لڳائڻ جو مقصد صرف اھو آھي ته پنھنجي ضلعي قمبر شھدادڪوٽ جي عوام کي صحت جون سھولتون سندن در تي مھيا ڪريون مفت ميڊيڪل ڪيمپ ۾ صحت کاتي قمبر شھدادڪوٽ جي ٽيم شيخ زيد وومين اسپتال لاڙڪاڻو جي ڊاڪٽرياڻن سرسو، ممتا پروگرام ۽ برج ڪنسلٽنٽ پاران شرڪت ڪئي جڏھن ته لڳايل مفت ميڊيڪل ڪيمپ ڪاميابي سان مڪمل ٿي اهڙيون ميڊيڪل ڪيمپون مقامي آبادي لاءِ صحت جي سهولتن جي فراهمي ۽ بيمارين جي وقت سر سڃاڻپ ۾ اهم ڪردار ادا ڪن ٿيون،