ملير ۾ ليڊي اسڪول ٽيچر سان مبينا زيادتي جي ڪوشش، جوابدار جو ڀاءُ گرفتار

زڪريا چوڪ ويجهو جوابدار جواد 17ورهين جي سويرا سان جنسي زيادتي جي ڪوشش ڪئي: وارث

ملير (رپورٽ: عبدالرشيد مورجھريو) ملير جي زڪريا چوڪ ويجهو بنگش شادي هال واري علائقي ۾ 17 ورهن جي اسڪول ٽيچر سويرا کي بيهوشي جي حالت ۾ ملي جتي هن سان مبينه طور جنسي زیادتي جي ڪوشش ڪئي وئي.پوليس موجب، شاه لطيف پوليس اطلاع تي فوري طور پهچي متاثرہ نينگري کي ايمبولينس ذريعي جناح اسپتال منتقل ڪيو. ابتدائي تحقيقات دوران معلوم ٿيو آهي ته جوابدار جواد متاثرہ نينگري سان مبينه طور تي زیادتي جي ڪوشش ڪئي معلومات موجب، متاثرہ نينگري ۽ جوابدار ۾ اڳ کان ئي ڄاڻ سڃاڻ هئي. پوليس ڪارروائي دوران جوابدار جو هڪ ويجهي رشتيدار کي گرفتار ڪري ورتو آهي.پوليس ٻڌايو آهي ته واقعو جي وڌيڪ قانوني ڪارروائي متاثرہ نينگري جي بيان، ميڊيڪل رپورٽ، ثبوتن جي گڏ ڪرڻ ۽ مرڪزي جوابدار جي گرفتاري لاءِ تحقيقات جاري آهن.اطلاع موجب، متاثرہ نينگري نجی اسڪول ۾ ٽيچر جي حيثيت سان ڪم ڪندي هئي.