پی ایس ایل: نیلامی سے قبل مقامی کھلاڑیوں کی نئی کیٹیگریز کی فہرست سامنے آ گئی

اسلام آباد یونائیٹڈ کے شاداب خان، عماد وسیم اور نسیم شاہ کو پلاٹینم کیٹیگری میں برقرار رکھا گیا ہے۔ذرائع

لاہور (ویب ڈیسک) پاکستان سپر لیگ (پی ایس ایل) کے 11ویں سیزن کی پلیئرز نیلامی سے قبل مقامی کھلاڑیوں کی ممکنہ کیٹیگریز کی فہرست سامنے آ گئی ہے۔ ذرائع کے مطابق اسلام آباد یونائیٹڈ کے شاداب خان، عماد وسیم اور نسیم شاہ کو پلاٹینم کیٹیگری میں برقرار رکھا گیا ہے۔ ذرائع کا کہنا ہے کہ صاحبزادہ فرحان گولڈ میں ہیں، جبکہ سلمان علی آغا اور محمد نواز ڈائمنڈ سے پلاٹینم میں آ گئے ہیں۔ ذرائع کے مطابق وکٹ کیپر بیٹر اعظم خان ڈائمنڈ سے گولڈ میں چلے گئے ہیں۔ ذرائع کا کہنا ہے کہ کراچی کنگز کے حسن علی ڈائمنڈ سے پلاٹینم میں آ گئے ہیں، جبکہ عباس آفریدی پلاٹینم سے ڈائمنڈ میں چلے گئے ہیں۔ ذرائع کے مطابق خوشدل شاہ اور عامر جمال ڈائمنڈ سے گولڈ میں، جبکہ عرفات منہاس گولڈ سے سلور میں چلے گئے ہیں، جبکہ شان مسعود ڈائمنڈ میں برقرار ہیں۔ ذرائع کا کہنا ہے کہ لاہور قلندرز کے شاہین آفریدی، فخر زمان اور حارث رؤف کو پلاٹینم کیٹیگری میں برقرار رکھا گیا ہے۔ ذرائع کے مطابق سلمان مرزا گولڈ سے ڈائمنڈ میں اور محمد نعیم ایمرجنگ سے سلور میں آ گئے ہیں۔ ذرائع کا کہنا ہے کہ پشاور زلمی کے بابر اعظم اور صائم ایوب کو پلاٹینم میں برقرار رکھا گیا ہے، جبکہ محمد حارث اور محمد علی ڈائمنڈ سے گولڈ میں چلے گئے ہیں۔ ذرائع کے مطابق ملتان سلطانز کے محمد رضوان پلاٹینم میں برقرار ہیں، جبکہ اسامہ میر اور افتخار احمد پلاٹینم سے ڈائمنڈ میں چلے گئے ہیں۔ ذرائع کا کہنا ہے کہ محمد حسنین ڈائمنڈ سے گولڈ کیٹیگری میں چلے گئے ہیں، جبکہ عاقف جاوید سلور سے گولڈ میں آ گئے ہیں۔ ذرائع کے مطابق کوئٹہ گلیڈی ایٹرز کے فہیم اشرف اور محمد عامر پلاٹینم میں برقرار ہیں، جبکہ ابرار احمد ڈائمنڈ سے پلاٹینم میں آ گئے ہیں۔ ذرائع کا کہنا ہے کہ وسیم جونیئر گولڈ سے ڈائمنڈ میں، عثمان طارق سلور سے ڈائمنڈ میں آ گئے ہیں، جبکہ خواجہ نافع سلور میں اور حسن نواز ایمرجنگ سے گولڈ میں آ گئے ہیں۔