ڏوڪري ۾ عمرڪوٽ واقعي ۽ نوان صوبن جي سازشن خلاف احتجاجي مظاهرو

ڏوڪري(اطهر ميمڻ) سنڌ ۾ نوان صوبا ٺاهڻ ۽ عمرڪوٽ پوليس خلاف نوجوان سماجي اتحاد تعلقي ڏوڪري جي سڏ سياسي سماجي تنظيمن جي اڳواڻن پاران احتجاجي مظاهرو ڪيو ويو نوجوان سماجي اتحاد تعلقي ڏوڪري جي اڳواڻ ارشاد ٻگهيو، عمير جوڻيجو، نديم جوڻيجو، جسقم اڳواڻ رڪ سنڌي، سنڌ نيشنل ڪانگريس سانول سنڌي، ڊي ايس يو اڳواڻ رضا جتوئي، شعور پيرزادو، نثار ميهر کوکر ۽ ٻين جي اڳواڻي ۾ عمرڪوٽ پوليس ۽ گورنر سنڌ خلاف ڏوڪري پريس ڪلب اڳيان احتجاجي مظاهرو ڪيو ويو. احتجاج ڪندڙن جو چوڻ آهي ته گورنر سنڌ گورنر هائوس کي نائين زيرو بڻائي ڇڏيو آهي جيڪو ڪنهن به صورت ۾ منظور ناهي. هنن چيو ته بااثرن ماڻهن عمرڪوٽ پوليس جي ڏاڍ تي مدد خان ۽ چنگيز خان جي روش اختيار ڪندي مسڪين ماڇي برادري جي نياڻين تي ظلم جي انتها ڪندي تذليل ڪرڻ جي سخت لفظن ۾ مذمت ڪريون ٿا. هنن چيو ته ايم ڪيو ايم سنڌ کي تقسيم ڪرڻ جي سازش ڪري رهي آهي جنهن کي سنڌ جو عوام ناڪام بڻائي ڇڏيندو هنن آءِ جي سنڌ کان مطالبو ڪندي چيو ته عمرڪوٽ ۾ ماڇي برداري جي عورتن جي تذليل ڪندڙ اهلڪارن خلاف ڪارروائي ڪري هٽايو وڃي.