نوشهروفيروز ۾ ڳوٺ بهرام سولنگي واسي استاد علي گل سولنگي جو ٽئين ڏينهن به احتجاج

نوشهروفيروز (ڊ ر) نوشهروفيروز ويجهو ڳوٺ بهرام سولنگي واسي استاد علي گل سولنگي ٽئين ڏينهن به پريس ڪلب آڏو احتجاج ڪندي صحافين اڳيان دانهيندي چيو آهي ته مون ڪنهن جي به رستي تي قبضو ناهي ڪيو نه ئي مان پنهنجي سروي نمبر مان ڪنهن کي رستو ڏيندس اسڪول بند ڪرائيندڙ جوابدارن خلاف عدالت سڳوري ۾ وڃڻ کان پوءِ جوابدار شمس الدين سولنگي، محمد سليم، شھاب ، جلال الدین، ذاڪر ۽ ٻيا ڪوڙا ڊراما ڪري رهيا آهن جيڪي پنهنجي نوجوان کي پاڻ ڌڪ هڻي ڪيس تان هٿ کڻائڻ جي ڪوشش ڪري رهيا آهن هن چيو ته رستي جو فيصلو برادري جي چڱن مڙسن ڪري ڇڏيو آهي ان تي مخالف عمل ڪرڻ بجاءِ هرو ڀرو غلط بياني ڪري رهيا آهن جيڪي جان کان مارڻ جون ڌمڪيون ڏئي رهيا آهن هن آء جي سنڌ پوليس، ڊي آءِ جي شهيد بينظير آباد، ايس ايس پي نوشھروفيروز سميت ٻين وس وارن توڙي پ ٽ الف سميت ٻين تنظيمن جي اڳواڻن کي اپيل ڪئي ته معاملي جي جاچ ڪري اسڪول کي تالا هڻندڙ جوابدارن خلاف قدم کنيو وڃي