نوشهروفيروز ۾ ڳوٺ بهرام سولنگي واسي استاد جو پٽن سميت احتجاجي مظاهرو

ڪجهه وقت کان منهنجي ڳوٺ جا ماڻهو زمين جي تڪرار تان مونکي تنگ ڪندا پيا اچن: علي گل سولنگي

نوشهروفيروز (ڊ ر) نوشهروفيروز ۾ ڳوٺ بهرام سولنگي جي رهواسي استاد علي گل سولنگي پنهنجي ٻن پٽن اظهر ۽ مظهر سولنگي سان گڏ پريس ڪلب پهچي احتجاج ڪندي ميڊيا اڳيان دانهيندي چيو آهي ته مان پنهنجي ڳوٺ جي پرائمري اسڪول ڪريم ڏنو سولنگي ۾ گذريل 10 سالن پڙهائيندو اچان پيو ڪجهه وقت کان منهنجي ڳوٺ جا ماڻهو زمين جي تڪرار تان مونکي تنگ ڪندا پيا اچن جن اڄ صبح جو مون تي اسڪول جي ڪلاس ۾ اندر اچي حملو ڪري ڏنو جنهن سبب مان زخمي ٿي پيو آهيان هن چيو ته جوابدار شمس الدين، محمد سليم، منور سولنگي، نويد، شھاب ، جلال الدین ۽ ذاڪر سولنگي خلاف مان نوشهروفيروز ٿاڻي تي اين سي ڪرائي ۽ ڪورٽ سڳوري ۾ ڊيوٽي اٽڪاء جي درخواست به داخل ڪرائي آهي پوليس جوابدارن کي گرفتار ناهي ڪيو هن آء جي سنڌ ،ڊي آءِ جي شهيد بينظير آباد، ايس ايس پي نوشھروفيروز ،تعليم کاتي جي اعلا عملدارن سميت ٻين وس وارن کي اپيل ڪئي آهي ته حملو ڪندڙ جوابدارن کي گرفتار ڪري تحفظ فراهم ڪري انصاف ڏياريو وڃي ته اسڪول ڊيوٽي ڪري سگهان