ڏوڪري تعلقي اسپتال روڊ تي حددخلين جو آزار، ٽريفڪ جام معمول بڻيل

ڏوڪري(اطهر ميمڻ) ڏوڪري شھر جي تعلقي اسپتال روڊ تي انڪروچمينٽ سبب ٽريفڪ جام معمول بڻيل، علائقي واسين مين روڊ تي مانڊيون ۽ ريڙھيون بيھارڻ سميت مينھون ٻڌڻ سبب شھري عذاب ۾ مبتلا، چوپائي مال بيھارڻ ڪري گندگي سبب علائقي واسي بيمارين ۾ مبتلا، ڪارروائي جو مطالبو. تفصيل موجب ڏوڪري شھر جي تعلقي اسپتال ۽ سونھري روڊ تي انڪروچمينٽ سبب ٽريفڪ جام معمول بڻيل آھي، جنھن سبب شھري سخت پريشاني ۾ مبتلا آھن. ڏوڪري جي سونھري روڊ وٽ تعلقي اسپتال، سبزي پڙي ۽ مقامي ٽيڪسي اسٽينڊ ھئڻ باوجود وڏي انگ ۾ مانڊيون ۽ ريڙھا بيھارڻ سميت علائقائي واسي پنھنجون مينھون ۽ چوپايو مال به روڊ تي ٻڌڻ سبب شھري ٻٽي عذاب ۾ مبتلا ٿي ويا آھن. چوپايو مال بيھارڻ سبب گندگي ھئڻ ڪري مختلف بيماريون ڦهلجڻ لڳيون. ان موقعي تي شھرين ضلعي انتظاميا کان مطالبو ڪيو ته معاملي جو نوٽيس وٺندي سونھري روڊ تان غيرقانوني انڪروچمينٽ ھٽائي وڃي.