ٻن مهينن اندر پوليس مقابلن دوران 8 خطرناڪ ڏوهارين کي ماريو ويو: ايس ايس پي روحل کوسو

مون کان اڳ ضلع نوشهروفيروز اندر امن امان جي صورتحال خراب هئي جنهن ۾ بهتري آئي آهي

نوشهروفيروز (ڊ ر) ايس ايس پي نوشھروفيروز روحل خان کوسو پريس ڪانفرنس ڪندي صحافين سان ڳالهائيندي چيو آهي ته مون کان اڳ ضلع نوشهروفيروز اندر امن امان جي صورتحال خراب هئي جنهن بهتري طرف آندو آهي ۽ وڌيڪ ڪوششون ڪري ضلعي واسين کي جان ۽ مال جو تحفظ فراهم ڪرڻ ۾ ڪردار ادا ڪريان هن ٻڌايو ته ٻن مهينن اندر پوليس مقابلن دوران 8 خطرناڪ ڏوهارين کي ماريو ويو آهي جڏهن ته 411 چوري ۽ ڦرن ۾ ملوث جوابدارن کي گرفتار ڪري ورتو آهي پڪڙيل جوابدارن ۾ 49 ڄڻا زخمي حالت ۾ گرفتار ڪيا جن وٽان 232 عدد غيرقانوني هٿيار 141 موٽرسائيڪلون چار ڪارون هڪ ٽريڪٽر ٽرالي 162 تولا سون پڻ هٿ ڪيو ويو آهي هن چيو ته ضلعي ۾ منشيات خلاف پڻ ڪاروائيون ڪيون ويون آهن 25 منشيات فروشن کي گرفتار ڪري سندن مٿان ڪيس داخل ڪيا ويا آهن جن کي عدالت پاران سزائون مليون آهن هن وڌيڪ چيو ته شراب نوشي کان نوجوانن کي بچائڻ لاءِ ۽ وياج خورن کان بچائڻ لاءِ ڪريڪ ڊائون شروع ٿي ويو ڪارروائي ڪري کين قانون جي ڪٽهڙي ۾ بيهاريو ويندو