آل پاڪستان هندو پنچائت جي آفيس نئين هنڌ منتقل

عمرڪوٽ (ڊ/ر) آل پاڪستان هندو پنچائت رجسٽرڊ TM/ڪاپي رائيٽ، جيڪا حڪومتِ پاڪستان تحت رجسٽرڊ هڪ معتبر سماجي ۽ فلاحي ادارو آهي، پنهنجي سڀني ميمبرن ۽ هندو ڪميونٽي جي ماڻهن کي آگاهه ڪيو آهي ته اداري جي مرڪزي آفيس کي نئين هنڌ منتقل ڪيو ويو آهي، اداري جي جاري ڪيل پڌرائي موجب، آل پاڪستان هندو پنچائت جي آفيس هاڻي فريد چيمبر، ويجهو جيبس هوٽل، هارون روڊ، صدر ڪراچي ۾ قائم ڪيو وئي آهي، آفيس جي منتقلي جو مقصد انتظامي معاملن کي وڌيڪَ مؤثر بڻائڻ ۽ ڪميونٽي کي بهتر سهولتون فراهم ڪرڻ آهي، پنچائت جي قيادت هندو ڪميونٽي جي سڀني ماڻهن، سماجي ڪارڪنن ۽ لاڳاپيل شخصيتن کان اپيل ڪئي آهي ته ايندڙ وقت ۾ سڀئي آفيسي، تنظيمي ۽ قانوني معاملا نئين پتي تي رابطو ڪري انجام ڏنا وڃن، اعلاميي ۾ وڌيڪَ چيو ويو آهي ته آل پاڪستان هندو پنچائت هميشه وانگر هندو ڪميونٽي جي حقن، فلاح و بهبود ۽ سماجي مسئلن جي حل لاءِ پنهنجو ڪردار ادا ڪندي رهندي.