هالا ۾ پوليس اهلڪار پاران پنهنجي چاچِي سان مبينا جنسي زيادتي، ڪيس داخل، جوابدار گرفتار
پنج ڏينهن اڳ احمد گهر ۾ گهڙي منهنجي گهرواري کي حوس جو نشانو بڻايو، ڪالهه ٻيهر هن ساڳئي حرڪت ڪرڻ جي ڪوشش ڪئي: فريادي
ھالا(رپورٽر) ھالا پراڻا ٿاڻي جي حد سروري ڪالوني ۾ وحشي جوابدار پوليس اھلڪار پاران 5 ڏينھن اڳ پنھنجي ويڳي چاچئ سان گھر ۾ گھڙي پسٽل جي زور تي زبردستي مبينا جنسي ڏاڍائي ڪرڻ جو واقعو پيش آيو آھي، جنھن جي ايف آء آر داخل ڪئي وئي آھي،بدنامي سبب واقعو دل ۾ رکيو ويو،پوليس جوابدار کي گرفتار ڪري ورتو آھي، وحشي جوابدار پوليس اھلڪار احمد پٽ دلدار مغل ڀت ٽپي گھر ۾ داخل ٿي نوجوان ناري ناديہ زال عرفان مغل کي زبردستي جنسي ڏاڍائي جو نشانو بڻائي جوابدار فرار ٿي ويو،سندس مڙس عرفان مغل جي فرياد تي ھالا پراڻا ٿاڻي تي ڪيس داخل ڪيو ويو آھي،ھالا پراڻا پوليس ڪارروائي ڪندي جوابدار پوليس اھلڪار احمد مغل کي گرفتار ڪري ورتو آھي،ايف آء آر ۾ ڄاڻايو ويو آھي تہ 5 ڏينھن اڳ جوابدار پوليس اھلڪار منھنجي گھرواري ناديہ کي گھر اندر گھڙي زبردستي جنسي ڏاڍائي جو نشانو بڻايو ھو،اھڙي واقعي جي بدنامي سبب خاموش رھيس پر وحشي جوابدار گزريل رات جنسي ڏاڍائي جي ارادي سان ٻيھر منھنجي گھر جي ڀت ٽپي آيو جيڪو مونکي ايندي ڏسي فوري طور فرار ٿي ويو، جنھن بعد آئون پنھنجي گھرواري کي وٺي ھالا پراڻا ٿاڻي تي پھتو آھيان تہ مونسان انصاف ڪيو وڃي.
0 تبصرے