سنڌي ادبي سنگت شاخ ملير جي دستوري گڏجاڻي نامياري اديب راشد لکمير جي صدارت هيٺ ٿي گذري

ملير جي دوستن سان ملي ٿڪ لهي ويندا آهن: راشد لکمير

ملير (رپورٽ: عبدالرشيد مورجھريو) سنڌي ادبي سنگت شاخ ملير جي دستوري گڏجاڻي ڪراچي جي رابطا سيڪريٽري نامياري اديب راشد لکمير جي صدارت هيٺ ٿي گذري، گڏجاڻي جي ڪارروائي ملير شاخ جي جوائنٽ سيڪريٽري سيد غفور شاھ تقوي هلائي، صدارتي راءِ ڏيندي راشد لکمير چيو ته ملير جي دوستن سان ملي ٿڪ لهي ويندا آهن، سدائين هتي محبتون مليون آهن، دل چئي ٿي ته ملير ۾ اچي رهجي، ملير سنڌي ادبي سنگت سٺو ڪم ڪري رهي آهي، اڄوڪي گڏجاڻي ۾ تمام خوبصورت اسم پيش ڪيا ويا آهن. گڏجاڻي ۾ سيد غفور شاھ تقوي، اصغر باغي، راشد لکمير، شبير لاکو، مظهر ورياڻي، قمبر ٻٽ، مجيب سنڌي، سڪندر سرواڻ، جمشيد زھراڻي، امداد لاشاري ۽ عبدالغفار عبد ميمڻ پنهنجون نڪور تخليقون پيش ڪيون، جڏهن ته منير احمد قاضي، عرفان عباسي، بخشل سيال، سامي ميمڻ، بشير احمد ابڙو، عنايت علي شاھ، اديب الرحمان ڪورائي، شاھ محمد شاھ، جامي ميمڻ، ۽ سليمان شاهه گڏجاڻي ۾ شرڪت ڪئي.