شاهه لطيف پوليس جي ڪارروائي، ATM فراڊ ۾ ملوث هڪ جوابدار گرفتار

ملير (رپورٽ: عبدالرشيد مورجھريو) شاهه لطيف پوليس انٽيليجنس بيسڊ ۽ ٽيڪنيڪل ڪارروائي ڪندي شهرين کي ATM تان رقم ڪڍرائڻ جي بهاني ڦر ڪندڙ جعلساز زاهد علي کي گرفتار ڪري ورتو آهي ابتدائي تحقيقات موجب جوابدار پنهنجي ساٿين سان گڏ مختلف بينڪن جي ATM مشينن ٻاهران ويهي شهرين تي نظر رکندو هو۔ جڏهن ڪو شهري پيسا ڪڍڻ دوران مشڪلات محسوس ڪندو هو ته ملزم پاڻ کي مددگار ظاهر ڪري سندس ڀرسان ATM ۾ داخل ٿي ويندو هو، ۽ موقعو ملندي ئي شهري جو اصل ATM ڪارڊ ڳجهي طريقي سان تبديل ڪري ڇڏيندو هو پوليس مطابق جوابدار ڪارڊ تبديل ڪرڻ سان گڏ شهري جو پاس ورڊ پڻ نوٽ ڪندو هو، ۽ مشين ۾ ڪارڊ پنچ ڪرڻ بغير کيس رقم نه نڪرڻ جو تاثّر ڏيندو هو۔ جيئن ئي شهري هتان هٽي ويندو هو، ملزم اصل ڪارڊ ۽ پاس ورڊ استعمال ڪري رقم ڪڍي وٺندو هو گرفتار جوابدار اعتراف ڪيو آهي ته هو ڪيترن ئي شهرين کي هن ئي طريقي سان نشانو بڻائي چڪو آهي، جڏهن ته بينظير انڪم سپورٽ پروگرام جي مستحق عورتن جا ATM ڪارڊ به مٽائي رقم ڪڍندو رهيو آهي شهرين جون بار بار شڪايتون ملڻ بعد شاهه لطيف پوليس فوري ڪارروائي ڪندي ملزم کي گرفتار ڪيو، جنهن جي قبضي مان مختلف بينڪن ۽ BISP جا ATM ڪارڊ به هٿ آيا آهن پوليس موجب گرفتار جوابدار خلاف وڌيڪ قانوني ڪارروائي جاري آهي ۽ سندس ساٿين جي گرفتاري لاءِ ڇاپا هن وقت به جاري آهن۔