اسلام آباد (ویب ڈیسک) سپریم کورٹ کے چیف جسٹس یحییٰ آفریدی کی صدارت میں ہونے والے جوڈیشل کمیشن کے اجلاس میں لاہور ہائی کورٹ کے 11 ایڈیشنل ججز کو مستقل کرنے کی منظوری دے دی گئی ہے۔
جاری کردہ اعلامیے کے مطابق مستقل کیے جانے والے ججز میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا، جسٹس ملک جاوید اقبال، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ اور جسٹس عبہر گل شامل ہیں۔
اعلامیے میں بتایا گیا ہے کہ ایڈیشنل جج راجا غضنفر علی خان کو مستقل کرنے کی منظوری نہیں دی گئی، جبکہ ایڈیشنل جج طارق محمود باجوہ کو چھ ماہ کی توسیع دینے کی منظوری دی گئی ہے۔
کمیشن کے مطابق یہ فیصلے ’’ججز کی کارکردگی، عدالتی معاملات میں مہارت اور مجموعی پیشہ ورانہ معیار کا جائزہ لینے کے بعد‘‘ کیے گئے ہیں۔
0 تبصرے