ملازمن جا مسئلا حل نه ٿيا ته بيهر روڊن تي اينداسين: اشرف خاصخيلي

سنڌ ايمپلائيز الائنس جي سربراھ جي هڱورجا ۾ گسٽا سنڌ جي اڳوڻي صدر الهرکيو خاصخيلي جي لاڏاڻي تي وارثن سان تعزيت

ھڱورجا(رپورٽر)سنڌ ايمپلائيز الائنس جي سربراھ حاجي اشرف خاصخيلي چيو آھي تہ ملازم جا مسئلا حل نہ ڪيا ويا ته اسان ھڪ ڀيرو ٻيھر روڊن تي پنھنجي جائز حقن لاء نڪري اينداسين ھن وقت حڪومت سان ڳالهيون ھلي رھيون آھن اسان تي تنقيد ڪرڻ وارن جو تحريڪ ۾ ڪو بہ رول ناھي آھي گھر ويٺي ھوائي ڳالھيون ٿا ڪن. منھنجي پٽ تحريڪ شروع ٿيڻ کان پھرين ڪميشن پاس ڪئي ھئي. ھنڱورجا ۾ گسٽا سنڌ جي اڳوڻي مرڪزي صدر مرحوم استاد الھرکيو خاصخيلي جي وڇوڙي تي وارثن سان تعزيت ڪرڻ بعد ميڊيا سان ڳالهائيندي سنڌ ايمپلائيز الائنس جي سربراھ حاجي اشرف خاصخيلي وڌيڪ چيو آھي 6 آڪٽوبر تي رٿيل بلاول ھائوس وارو ڌرڻو ملتوي ڪرڻ مون اڪيلي جو فيصلو نه ھيو پر الائيس جي 8 رڪني ڪاميٽي جو گڏيل فيصلو ھيو ھن چيو ته اسان جي احتجاجي تحريڪ جي 60 ڏينھن تائين حڪومت روزو رکي ويٺل ھئي 2 آڪٽوبر تي حڪومتي روزو ٽٽو ۽ اسان کي ڳالھين لاء ڪال ڪئي وئي ان تي به اسان چيو ت اسان وزير اعلي يا چيف سيڪريٽري سان ڳالھيون ڪنداسين جنھن کان پوءِ چيف سيڪريٽري وٽ ميٽنگ ٿي جنھن ۾ پنج مختلف کاتن جا سيڪريٽري به شامل ھئا ان ميٽنگ ۾ فيصلو ٿيو ته معاملا ڪيبينيٽ ۾ پيش ٿيندا ڇوته ھي ڪو ننڍڙا مسئلا نه ھئا جيڪي جلدي حل ٿين ھن وڌيڪ چيو آھي تہ سنڌ جي ملازمن جا مسئلا حل ٿيڻ تائين اسان ماٺ ڪري نه وينھنداسون اسان جي جدوجھد جاري آھي ڳالھيون هلندڙ آھن ۽ پيش رفت به آھي جنھن ڪري ضرور ڪاميابي حاصل ٿيندي. ھر پندرهين ڏينھن ڪيبينيٽ جو اجلاس ٿي رهيو آهي ھن سال جنوري جو اجلاس ٿي رهيو آهي جنھن ۾ ھڪ ايجنڊا اسان ملازمن جي به شامل ھوندي.انشاء الله جلد ٻيا مطالبا به ڪيبينيٽ ۾ آڻيندا ۽ آسان جوڙيل ڪميٽي مان پراميد آهيون ٻئي صورت ۾ اسين واپس تحريڪ جو رُخ به ورجائي سگھون ٿا ھن چيو ت استاد الھرکيو خاصخيلي گسٽا جو متحرڪ اڳواڻ ھيو بھترين شخصيت جو مالڪ ھيو ان جو خال ڀرجي ن سگھبو .ان موقعي گسٽا اڳواڻ مورسنڌي.عبدالمقيم ميمڻ . اعجاز خاصخيلي پروفيسر غلام قاسم . غلام باقر خاصخيلي ۽ ٻيا ڪيترائي اڳواڻ پڻ موجود ھئا.