نوشهروفيروز ۾ عورت جو ڌيئرن سميت احتجاج

سول اسپتال ۾ فوت ٿيل اسد امين منهنجو پٽ هو, کيس نشو ڏئي منهنجي خلاف سازش تحت بيان ڏياريو ويو هو: زهرا اڄڻ

نوشهروفيروز (ڊ ر) نوشهروفيروز ۾ پراڻي پوليس جي رهواسڻ عورت زهرا اڄڻ پنهنجي ٻن ڌيئرن انيتا ۽ عشاء کي ساڻ ڪري پريس ڪلب پهچي ميڊيا اڳيان دانهيندي چيو آهي ته ڪجهه ڏينهن اڳ سول اسپتال ۾ فوت ٿي ويل نوجوان اسد امين اڄڻ منهنجو پٽ هيو جنهن کي نشو ڏئي منهنجي خلاف سازش ڪري بيان ڏياريو ويو ۽ اهو بيان سوشل ميڊيا تي وائرل ڪيو ته سندس موت جي ذميوار مان هوندس هن چيو ته هڪ ماءُ ڪڏھن به نه چاهيندي ته سندس پٽ ان جي ڪري مري. اصل ۾ حقيقت آهي ته منهنجو مڙس الهبخش اڄڻ موالي قسم جو ماڻهو آهي جنهن پنج سال اڳ مونکان گهر جي جاءِ جيڪا منھنجي بابا جي مليل هئي کپائڻ ۽ نياڻين کي وڪرو ڪرڻ لاءِ زور ڀريو جنهن تان اسان جا معاملا خراب ٿيا ۽ مون ڪورٽ ۾ درخواست داخل ڪرائي ٻارڙن جو خرچ گهريو جيڪو هن نه ڏنو جنهن کانپوءِ مڙس مون وٽ ٻه نياڻيون ڇڏي ويو ۽ اهو پنهنجي ڌيءَ ليلان ۽ نياڻي ديدار وٽ وڃي رهيو ۽ ڪوڙا ڪيس داخل ڪري ڇڏيا آهن هن وڌيڪ چيو ته منهنجي مڙس الهبخش اڄڻ نياڻي ديدار اڄڻ ۽ ڌيءَ ليلان ملي ڪري منهنجي پٽ اسد امين کي نشو ڏئي منهنجي خلاف بيان ڏياريو ويو جن ئي منهنجي پٽ کي ماريو آهي ۽ هاڻي مڙس ۽ نياڻو جان کان مارڻ جون ڌمڪيون ڏئي رهيا آهن جن مان مونکي ۽ منهنجي ڌيئرن کي خطرو آهي هن سيشن جج نوشهروفيروز ۽ ايس ايس پي نوشھروفيروز سميت ٻين وس وارن کان معاملي جي جاچ ڪري تحفظ فراهم ڪرڻ ۽ انصاف ڏيڻ جو مطالبو ڪيو آهي