گڏاپ ۾ دانش فيڊر جي بجلي 20 ڏينهن کان بند، 60 ڳوٺ بجلي ۽ پاڻي کان محروم

51 views | 02nd Sep 2025 • سنڌي خبرون

رهواسين پاران ڌرڻو هڻي گرڊ اسٽيشن جو گهيراءُ ڪيو ويو، گڏاپ پوليس ڳالهين لاءِ پهچي وئي

گڏاپ ۾ دانش فيڊر جي بجلي 20 ڏينهن کان بند، 60 ڳوٺ بجلي ۽ پاڻي کان محروم

ملير (رپورٽ: عبدالرشيد مورجھريو) گڏاپ ۾ دانش فيڊر جي بجلي 20 ڏينهن کان بند هجڻ ڪري 60 کان وڌيڪ ڳوٺ بجلي ۽ پاڻي کان محروم ٿي ويا آهن۔ ڊگهي لوڊشيڊنگ ۽ پاڻي جي کوٽ خلاف رهواسين گرڊ اسٽيشن آڏو گهيرو ڪري ڌرڻو هنيو۔احتجاج ڪندڙن جو چوڻ هو ته 20 ڏينهن کان بجلي نه هجڻ ڪري ڪاروبار مڪمل طور بند ٿي ويا آهن، جڏهن ته پيئڻ جو پاڻي به دستياب ناهي۔ شرڪاءَ جو واضع موقف آهي ته جيستائين بجلي بحال نه ٿيندي احتجاج جاري رهندو۔ڌرڻي سبب گرڊ اسٽيشن ڏانهن ايندڙ ويندڙ رستا بند ٿي ويا، جڏهن ته صورتحال تي ضابطو آڻڻ لاءِ گڊاپ پوليس پهچي وئي ۽ مظاهرين سان ڳالهين جو سلسلو شروع ڪيو